Balle per balle per heqjen e imunitetit

Kryetari i Grupit parlamentar te PD, Astrit Patozi, dhe deputeti socialist, Marko Bello, shprehen ne pozicione diametralisht te kunderta per ceshtjen e imunitetit te deputetit. Zyrtari i larte i PD sakteson se ligji ploteson gjithe konturet ligjore per te qene ne dispozicion te organeve te drejtesise, nderkohe qe deputeti i PS shprehet per nje dorezim vullnetar te imunitetit te deputetit. Por, te dyja palet ndajne te njejtin qendrim per te qene transparent para publikut

Ku konsiston rendesia e kthimit te projektligjit per heqjen e imunitetit ne Kuvend?

Astrit Patozi - PD: Ne mendojme qe ky eshte nje ligj shume i rendesishem, ne radhe te pare per te permbushur detyrimin tone perpara qytetareve shqiptare qe parlamentaret, klasa e politike e vendit eshte e prirur te jete pararoja e luftes kunder korrupsionit, se e fillon kete lufte, kete beteje, e fillon tek vetja e saj. Ne radhe te dyte, ne permbushim detyrimet tona ndaj organizatave nderkombetare, ku ne bejme pjese apo ku aderojme te bejme pjese, sic jane Keshilli i Evropes, Bashkimi Evropian dhe NATO. Te cilat na kane sugjeruar, na kane argumentuar qe ne Shqiperi jo vetem imunitetet e deputeteve duhet te kufizohen. Kufizimi i imunitetit behet per t’i dhene fundit abuzivizmit me pushtetin dhe sidomos perballe akuzave per korrupsion. Ne jemi nje vend, qe kemi vuajtur gjate nga korrupsioni. Ne vitin 2005, kur ne erdhem ne pushtet, gjetem nje stad dramatik te korrupsionit ne te gjitha nivelet e qeverisjes, ne kemi bere perpjekje titanike per te zbutur kete situate, por, gjithsesi, perpjekjet tona mbeten ende larg asaj qe ne synojme te arrijme. Pikerisht per te ndihmuar kete beteje ne besojme se ky ligj i sherben kesaj klime, qe institucioni me i rendesishem, qe ka vendi, te jape i pari shembullin qe cdo zyrtar eshte i hapur perballe akuzave per korrupsion.

Marko Bello - PS: Projektligji, i paraqitur nga mazhoranca, i lidhur gjoja me kufizimin e imunitetit, eshte me teper nje shashke per te treguar sikur keta gjoja jane per lenien e imunitetit. Ne fakt, projektligji vetem e nderlikon proceduren e leshimit te imunitetit, sepse ai parashikon shume detaje, sipas te cilave, prokurori per cdo veprim, qe duhet te ndermarre, duhet te pyese kryetarin e Kuvendit dhe pastaj komisionin respektiv per imunitet dhe lenien e mandateve, i cili do jape “ok”, ose nuk do, e rrezon kerkesen e prokurorise. Ndersa, nisma e opozites per te hequr vullnetarisht dore nga pjesa e pare e nenit te Kushtetutes, qe ka te beje me faktin se ne ne menyre te lire dhe te vullnetshme heqim dore nga imuniteti. Kjo do te thote qe ne do te shkojme vete ne prokurori, nese ka akuza per korrupsion apo shperdorim detyre dhe me vullnet te lire te shkojme perpara prokurorise per t’u pyetur apo per te dhene sqarime ne lidhje me ndonje akuze, qe mund te jete ngritur. Pastaj, pjesa tjeter qe ka te beje me kontrollet, qe ka te beje me arrestimin, atehere ajo sigurisht duhet t’i ngelet Kuvendit.

Sa ndikon ky ligj ne hapjen rruge te drejtesise per hetimin e njerezve me pushtet?

Astrit Patozi – PD: Ky ligj ndikon shume, pasi krijon nje marredhenie te re mes prokurorise apo drejtesise ne pergjithesi me njerezit me imunitet. Qe do te thote se njerezit me imunitet nuk kane nevoje per te marre me vendime kolegjiale, vendime te Kuvendit per te nisur nje ceshtje penale. Nje ceshtje penale perballe akuzave per korrupsion nis menjehere per cdo deputet, per cdo minister dhe ne rast se ne do ta shtrijme kufizimin e imunitetit edhe ne nivele te tjera edhe per zyrtare te tjere te larte, qe mund te jene ne gjyqesor apo ne institucione te tjera kushtetuese.

Marko Bello - PS: Sic e thashe edhe me pare, kam pershtypjen qe ligji e pengon drejtesine, sepse po ta shikojme me kujdes, ai ka te beje vetem me procedurat dhe duket sikur heq e kufizon imunitetin, perkundrazi, ai vetem nderlikon procedurat. Ne baze te Kushtetutes, te nenit 73, dy pikave, jane percaktuar shume qarte dy fazat per heqjen e imunitetit. Me perpara kemi pasur precedent te rrezikshem, kur ne momentin qe behej heqja e imunitetit ne moment behej edhe arrestimi, ku eshte edhe rasti i Fatos Nanos per shembull. Atehere, kur eshte bere Kushtetuta e re ne 98-en, per te shmangur kete lloj abuzimi, qe mund te kete, ne e kemi parashikuar ne dy faza. Faza e pare eshte kerkesa e prokurorise, shqyrtimi nga komisioni perkates ne Parlament, kalimi ne seance per t’u votuar me nje shumice te thjeshte prej 71 votash, hiqet imuniteti per te filluar ndjekja penale. Do te thote te merret, te pyetet, te shkoje deputeti apo ministri ne prokurori. Nese prokuroria bindet se ka veper penale ajo ben kerkesen e dyte, ku kerkon arrestimin e tij, perseri shtrohet e njejta procedure, qe vjen ne Parlament dhe perseri me votim te fshehte behet heqja. Precedentet qe kemi pasur neve vitet e fundit kane treguar qe Parlamenti shpeshhere nuk i eshte bindur urdhrit te prokurorise dhe ka votuar me votim te fshehte kunder heqjes se imunitetit. Atehere, per te shmangur kete procedure, te pakten per fazen e pare te votimeve ne jemi dakord, qe te mos i nenshtrohemi fare kesaj procedure dhe te shkojme direkt atje. Kete gje ia bejme kerkese edhe mazhorances, qe edhe ajo te ndjeke te njejtin shembull, qe sa here qe ka nje kerkese nga prokuroria per nje ceshtje, qe ka te beje me korrupsionin dhe shperdorimin e detyres, automatikisht ne te shkojme vete atje dhe pa i nderlikuar gjerat ne Parlament. Natyrisht, vetekuptohet qe faza e dyte, qe ka te beje me pergjimet dhe arrestimet, ajo do t’i nenshtrohet procedures parlamentare. Pra, ne e thjeshtesojme me vullnetin tone te lire kete gje, ndersa ligji i mazhorances e nderlikon kete gje, sepse ia le vullnetit te deputeteve, nuk ia le vullnetit te komisionit, i cili per ata qe jane te mazhorances mund ta hedhin ne kosh te plehrave dhe mund te mos e njohe, dhe per ato qe jane te opozites mund te thote qe te vendose ndjekjen penale.

Dorezimi vullnetar i imunitetit nga ana e Partise Socialiste e kundershton kete projektligj apo eshte ne te njejten linje me vullnetin politik?

Astrit Patozi – PD: Ajo qe ka shprehur Grupi parlamentar i Partise Socialiste eshte nje deklarate qesharake, e cila nuk ka asnje impakt ligjor, por eshte thjesht dhe vetem nje demagogji per te treguar gjoja vullnet politik, se jane te hapur per akuzat per korrupsion, nderkohe qe nuk ka asnje pakt ligjor. Pra, per nje prokuror nuk ka asnje lloj rendesi, se si une deklaroj perpara kamerave apo se si une deklaroj perpara gazetareve. Imuniteti eshte nje e drejte, eshte nje privilegj, qe deputeti e ka me ligj, pasi ka nje ligj per kete dhe kjo e drejte mund te zhbehet vetem me nje ligj tjeter. Te gjitha deklaratat e tjera jane vetem shfaqje per te mashtruar, per te genjyer dhe per te manipuluar qytetaret. Ne nuk deshirojme te tallemi me ceshtjen e imunitetit, ne e konsiderojme si nje levizje shume serioze politike dhe deshirojme, qe kete gje ta beje edhe Partia Socialiste. Ne rast se ata duan vertete te jene pa imunitet perballe akuzave per korrupsion, jane te lutur te vijne, te miratojme se bashku ligjin dhe te jemi te cliruar nga koraca e imunitetit, qe nga njeriu me i fuqishem ne kete vend e deri tek deputeti me i thjeshte.

Marko Bello – PS: Nuk eshte ne te njejten linje me kete ligj, sepse, sic e thashe, ky projektligj eshte thjesht nje tymese. Ajo e jona eshte me e paster, me e hapur dhe me e sinqerte. Qe do te thote se ne, si cdo qytetar i barabarte, si cdo qytetar i thjeshte, qe nuk ka imunitet, kur kerkohet nga prokuroria, shkon dhe jep sqarime. Edhe ne kete duam, t’i hapim rrugen, t’i lehtesojme punen prokurorise me vullnetin tone te lire duke anashkaluar te gjitha pengesat burokratike dhe ato hilet, pastaj, qe mund te behen ne Kuvend.