Njeqind intelektuale kunder qeverise

I nderuari, zoti President,

Ne jemi nje grup intelektualesh nga e gjithe hapsira shqiptare ne Rajon dhe kemi ndjekur me vemendje e shqetesim te madh diskutimin, debatet dhe votimin ne Kuvendin e Shqiperise te ligjit per rivendosjen e TVSH-se mbi librat dhe botimet e cdo lloji qe vijne nga jashte kufijve te Shqiperise, domethene edhe librat e botimet qe vijne nga Kosova, Maqedonia, Mali i Zi, krijuesit ne diaspore dhe emigracion. Vendimi per rivendosjen e kesaj takse, qe behet ne emer te mbrojtjes se prodhimit vendas te industrise poligrafike, por qe ne te vertete eshte bere per te mbrojtur gjoja interesat e pronareve te disa shtyshkronjave dhe te atyre qe qendrojne pas tyre, eshte sa i nxituar, i pakonsultuar me te gjitha grupet e interesit dhe komisionet perkatese parlamentare, aq edhe i demshem per perhapjen sa me gjere te dijes e kultures nepermjet leximit, ngritjen e shijeve estetike te lexuesve shqiptare, duke filluar qe nga nxenesit e shkollave te te gjitha niveleve dhe grupet e tjera sociale te shoqerise sociale.

Ne e konsiderojme shume te demshem nje ligj te tille, te pastudiuar si duhet per efektet jo vetem ekonomike por edhe kulturore e arsimore, qe do t’i largonte edhe me shume shqiptaret nga libri per shkak te rritjes ne masen 20 % te cmimit te librave cilesore, te kufizimit te librave, shtypit dhe periodikeve dhe cdo lloj literature tjeter ne gjuhe te huaj, per te cilat shoqeria shqiptare ka aq shume nevoje. Ne e konsiderojme shume te demshem kete ligj sepse po na rikthehen barrierat ne komunikimin me bashkekombasit tane ne Rajoni, ku jetojne, mesojne e punojne shqiptaret prej shekujsh. Kjo bie ndesh edhe me politikat e qeverise shqiptare dhe te gjitha forcave politike per rritjen dhe zgjerimin e bashkepunimit nder shqiptaret kudo qe jane.

Ne e konsiderojme shume te demshem kete ligj sepse ai bie ne kundershtim te hapur me Marreveshjen e Stabilizimit dhe te Asocimit qe qeveria shqiptare ka nenshkruar me Bashkimin Evropian, ku aspirojme te hyjme edhe ne. Ne e konsiderojme te demshem kete vendin sepse ai u heq mundesine botuesve shqiptare per te realizuar libra shkollore me cilesi te larte, si dhe mund te rrezikoje shtypjen ne afat te tyre, per shkak te periudhes se ngjeshur te shtypjes 2 – 3 muaj para fillimit te vitit shkollor. Realizimi eventual jashte kufijve te Shqiperise, ne vendet e BE-se, me te cilat eshte lidhur marreveshja e MSA-se, con ne rritjen e menjehereshme te cmimeve te librave shkollore ne masen 20 %, e cilat duhet te perballohet nga familjet shqiptare.

Se fundi, ne e konsiderojme te demshem kete ligj, sepse ne mbetemi i vetmi vend ne Evrope, e mbase ne te gjithe boten, me taksen mbi vleren e shtuar (TVSH) me te larte, kur pjesa me e madhe e tyre e kane zero ose te diferencuar ne masen 4 – 6 %, ne krahasim me mallrat e tjera. Dhe kjo nuk behet per te favorizuar botuesit, shtypshkronjat, libraret apo hallkat e tjera qe merren me librin, por te ndihmuar shtresat e ndryshme te popullsise dhe per nxitur leximin.

I nderuari zoti President,

Keto dhe shume arsye te tjera qe mund te parashtroheshin ne kete deklarate te shkurter e kane rritur se tepermi shqetesimin e njerezve te komunitetit te librit ne te gjitha trevat shqiptare per pengesat dhe barren qe po i shtohet qarkullimit te librit, te cilat do te ndikojne negativisht dhe drejteperdrejte ne largimin e njerezve nga libri, mesimi dhe dituria, do te na i kufizojne kontaktet dhe informimin me boten kulturore nderkombetare, do te ndikoje negativisht ne qarkullimin e librit ne boten shqiptare dhe forcimin e mardhenieve te bashkepunimit midis krijuesve, botuesve e lexuesve shqiptare kudo qe jane.

Prandaj zoti President, ne kerkojme nga ana Juaj qe, brenda te gjitha kompetencave qe Ju jep ligji dhe Kushtetuta e Republikes se Shqiperise, te mos dekretoni ligjin per rivendosjen e TVSH-se mbi librin dhe te ndikoni me vullnetin dhe autoritetin Tuaj qe ky ligj te rishikohet ne interes te lexuesve shqiptare dhe rritjes te te lexuarit ne Shqiperi.

Lista e 100 intelektualeve ne letren e hapur:

Abdurrahim Myftiu

Adrian Civici

Agim Vinca

Agron Tufa

Aleks Luarasi

Aleks Minga

Aleksander Cipa

Alfred Dalipi

Ali Aliu

Ali Podrimja

Andrea Stefani

Ardian Klosi

Arlinda Dudaj

Asllan Bisha

Bardhosh Gace

Bashkim Shehu

Basri Capriqi

Besnik Aliaj

Besnik Mustafaj

Bujar Hudhri

Capajev Gjokutaj

Dhimiter Ligori

Diana Culi

Din Mehmeti

Donika Omari

Dritero Agolli

Edmond Dragoti

Edmond Tupja

Eqrem Basha

Erjon Veliaj

Fatmir Toci

Fatos Arapi

Fatos Baxhaku

Fatos Kongoli

Ferit Hudhri

Filip Cakuli

Filip Rrumbullaku

Flutura Acka

Francesko Altimari

Frano Kulli

Gaqo Bushaka

Gezim Podgorica

Gezim Tafa

Henri Cili

Jahir Ahmeti

Jorgo Bulo

Kim Mehmeti

Kristo Frasheri

Luan Mulliqi

Luan Omari

Luan Starova

Luljeta Lleshanaku

Maks Velo

Mark Marku

Mateo Mandala

Mehmet Kraja

Mimoza Hysi

Mirela Kumbaro

Moikom Zeqo

Muje Bucpapaj

Nail Draga

Nasho Jorgaqi

Nasi Lera

Natasha Lako

Nazmi Rrahmani

Ndricim Kulla

Parid Teferici

Pellumb Xhufi

Persida Asllani

Petrit Ruka

Petrit Ymeri

Piro Misha

Remzi Lani

Rexhep Ferri

Rexhep Meidani

Rexhep Qosja

Rita Petro

Roland Qafoku

Roland Sejko

Sabri Godo

Sali Bashota

Shaban Sinani

Shefkije Islamaj

Shezai Rrokaj

Shpetim Cucka

Skender Hasko

Tonin Cobani

Vaid Teferici

Vaso Tole

Virgjil Muci

Xhevahir Lleshi

Xhevat Beqaraj

Xhuzepe Skiro di Maggio

Zenel Katana

Zija Cela