Ekzekutimi i Shqypit, gjendet dy fije floku

Tirane - Ekzekutimi gjashte vjet me pare i nje prej djemve te "Rruges se Kavajes", dosje e cila ka mbetur pa autor eshte per qendruar ne dy prova te reja. Dy fije floku te gjetura ne makinen me te cilen udhetonte viktima dhe nje femer e cila dyshohet te jete deshmitarja okulare jane provat me te cilat po punon policia per zbardhjen e plote te kesaj ngjarje te vjeter. Disa muaj me pare Policia e Tiranes ka rihapur nje nga dosjet me te bujshme te vitit 2002 ate te ekzekutimit te nje prej djemve te "Rruges se Kavajes", Enton Shqypit, vrasje e cila dyshohet te jete kryer per motive te hakmarrjes. Pas rishikimit te provave dhe keqyrjes se makines me te cilen udhetonte viktima ne gusht ne vitit 2002 ne afersi te "Kopshtit Botanik" Tirane jane gjetur dy fije floku ne sedijen e parme te makines. Sipas burimeve nga policia viktima mund te jete perleshur diten e ngjarjes me autoret, te cileve i kane mbetur gjurme ne makine. Mesohet se te dyja fijet e flokut jane derguar ne Laboratorin Kriminalistik ne Angli ku edhe do t'i nenshtrohen nje ekspertize te ADN-se. Kjo ekspertize do te identifikoje edhe ne autoret e kesaj ngjarjeje. Nga ana tjeter policia eshte duke punuar edhe ne gjetjen e deshmitares okulare, e cila ka qene prezente diten e ngjarjes. Sipas burimeve nga policia gjate momentit te ekzekutimit te Shqypit ne makinen e tij ka qene edhe nje femer, qe dyshohet te kete pasur lidhje me viktimen. Deshmitarja e cila eshte identifikuar nga policia pritet te gjendet per t'u marre ne pyetje per te treguar si ka rrjedhur ngjarja. Enton Shqypi, 25 vjec i njohur si nje nga djemte e "Rruges se Kavajes" eshte ekzekutuar me plumb ne koke ne gusht te vitit 2002, nje muaj pasi kishte dale nga burgu si autor i nje vrasjeje. Ai njihej si mik i Ervin Boroves, pjesetar i grupit te Rruges se Kavajes, i cili u vra gjate vitit 1999 prane bar "Rovena", ngjarje ne te cilen mbeti i plagosur edhe Ilir Bardhi. Borova u arrestua ne vitin 1996 si i dyshuar per vrasjen e Artur Hoxhatit, por me pas u denua Enton Shqypi si ekzekutor i tij. 25 vjecari u izolua per 6 vjet me radhe, ndersa fitoi lirine e tij ne korrik te vitit 2002. Dosja hetimore e cila u mbyll per disa vite me radhe nga policia dhe prokuroria per mungese te provave eshte per qendruar ne dy prova te reja. Ne pergjigje te analizes se ADN-se mesohet se ne polici jane rimarre ne pyetje disa persona te cilet jane pyetur edhe 6 vjet me pare per kete ngjarje. Ripyetja e tyre deshmitareve, familjareve te viktimes nga policia ka si qellim ne zbardhjen e detajeve te pazbuluar 6 vjet me pare. Nga ana tjeter inspektoret e krimit te cilet kane ne duart e tyre kete dosje kane ripare edhe nje here provat hetimore. Plaga e plumbit ne koke, fotografimet e kryera, ekspertiza mjekoligjore e kryer pas ekzekutimit mbi hyrjen dhe daljen e plumbit, gjurmet e gishtave te gjetura mesohet te jene disa nga provat qe jane ripare keto dite nga policia. Nderkohe qe per zbardhjen e kesaj ngjarjeje po bashkepunohet edhe me Prokurorine e Tiranes. Ekspertiza e ADN-se qe do t'i nenshtrohen dy fijet e flokut pritet te mberrije pas nje muaji ne vendin tone me leter-porosi.