Pushuesit mesyjne ne bregdetin e lakmuar te Durresit

Pushuesit "pushtojne" me heret nga vitet e tjera plazhin e Durresit. Qytetin kete vit pritet ta vizitojne 500 mije turiste, ose 100 mije vete me shume se ne 2009-en. qe njeh pushues ne cdo stine, ku bregdeti ka cfare te ofroje pergjate gjithe gjatesise se tij. Vija bregdetare e plazhit te Durresit, te ofron kushte te favorshme per te kaluar pushimet verore, si dhe per zhvillimin e turizmit.

Bregdeti

Edhe pse nga me se 60 km vije bregdetare, Durresi ka te shfrytezuar ne sezon vere vetem 6,8 km. Ne nje pjese te mire ka det shume te paster, rere dhe kushte te favorshme per te kaluar ditet e nxehta te Veres. Prej shume vitesh eshte verejtur se nje pjese e mire e pushuesve ne vendet shqipfolese si Maqedonia apo Kosova, udhetojne per ne plazhin e Durresit qe eshte edhe epiqendra e turizmit detar. Uji i paster, rera perveluese, si dhe dielli i nxehte ne stinen verore, ben qe mjaft pushues te dynden ne kete plazh per te kaluar disa dite te kendshme larg zhurmave dhe smogut te metropoleve. Gjate gjithe vijes bregdetare gjenden plazhe te mirembajtura nga hotelet buze detit, te cilat jane te pershtatshem per te gjithe llojet e pushuesve. Fale kesaj natyre te mrekullueshme, por edhe investimeve te kryera kryesisht nga sektori privat, apo edhe me pak nderhyrjet ne infrastrukture te disa zonave nga shteti, pushimi ne Durres eshte me teper se i kendshem. Kete vit mund te shohesh investime me te medha nga subjektet private, por edhe bashkia, qe ka punuar reren dhe pastruar bregdetin e frekuentuar nga pushues.

Infrastruktura

Ndryshe nga vitet e kaluara, kete sezon veror Durresi prezanton nje infrastrukture te permiresuar. Angazhimi i strukturave vendore eshte qe te jete sa me prane kerkesave te turisteve te shumte qe pritet te vizitojne qytetin kete vere. Masat e marra pritet te garantojne nje furnizim me te mire te zones bregdetare me uje te pijshem, nderkohe qe shpresa me e madhe per te permbushur kete premtim mbeshtetet te venia ne funksionim te plote te rezervuarit te Manskurise. Ky sezon pritet te kete nje furnizim 2 here ne dite per zonen e plazhit dhe 4-6 ore uje. Edhe per furnizimin me energji, situata eshte optimiste, ne krahasim me nje vit me pare. "Do te kete energji 24 ore, ne rast se rrjeti do ta perballoje ngarkesen", tha Agron Seseri, drejtor i shperndarjes se OSSH-se ne Durres. Nderkaq kete vit infrastruktura rrugore paraqitet me e mire ne plazhin me te populluar qe fillon nga Ura e Dajlanit deri ne Plepa. Ashtu si edhe vitin e kaluar, krahas ne permiresim te dukshem, pastrimi i plazheve dhe gjendja e kanalizimeve te ujerave te zeza mbetet dhe per kete prag sezoni nje problematike me vete, ndersa organet pergjegjese deklarojne se ne drejtime te tjera plazhi i Durresit siguron kushtet e nevojshme per nje turizem rezultativ.

Plugohet rera, dezinfektohet bregdeti

Pas pastrimit te leshterikut dhe mbeturinave te tjera urbane, keto dite ne plazhin e Durresit ka nisur puna per plugimin dhe dezinfektimin e reres. Rreth 3,2 kilometra vije bregdetare qe fillon nga Ura e Dajlanit, deri ne Plepa, po i nenshtrohet plugimit, frezimit dhe dezinfektimit, proces qe i paraprin ardhjes se pushuesve. I pranishem ne fillimin e pastrimit teresor te plazhit ishte dhe kreu i bashkise se Durresit, Vangjush Dako, i cili pohoi se po punon intensivisht ne plazhin e Durresit, me qellim qe sezoni turistik te jete gati. Nderkaq Dako, deklaroi se po punohet per t'i paraprire te gjithe problemeve te mundshme, ku prioritet i eshte dhene eliminimit te zhurmave, vendeve te parkimit, si dhe disiplinimit te trafikut. Nderkohe qe ashtu si edhe vitin e kaluar, per pushuesit problem do te mbeten hapesirat publike. Teksa ka bere te ditur raportin mes hapesires se reres per plazhe private dhe asaj per plazheve publike, Dako tha se perparesi do t'u jepen privateve. Raporti mes plazheve publike dhe atyre private do te kete nje diference te madhe. Nga 17 hektare gjithsej, vetem 1110 meter linear do te jene plazhe publike, ndersa pjesa tjeter private.

Bashkia dyfishon buxhetin per turizmin bregdetar

Sezoni turistik sapo ka trokitur ne qytetin bregdetar te Durresit dhe per kete institucionet vendore ne bashkepunim edhe me qeverine, kane hartuar nje sere masash, me qellim plotesimin e kushteve per te gjithe turistet qe zgjedhin detin Adriatik, per te kaluar pushimet. Kryetari i bashkise se Durresit, Vangjush Dako, ne nje prononcim per gazeten "Koha Jone", shpalosi prioritet per sezonin veror 2009. Duke e konsideruar Durresin si zone te rendesishme te vendit per turizmin masiv dhe ate elitar, Dako tha se kete vit ky sektor ka terhequr vemendjen e institucionit qe ai drejton, duke thithur dyfishin e buxhetit ne krahasim me nje vit me pare. Ndersa vijoi me tej duke thene se, "per te pasqyruar sa me mire resurset turistike te qytetit bregdetar, bashkia ka menduar te shfaqe bukurite natyrore permes materialeve promocionale dhe informuese, te cilat pritet te shfaqen se shpejti".

Enkeleda Arapi