Kllogjer, perurohen punimet per varrezat came

Java e kultures dhe historise se Camerise, e cila ka nisur qe diten e hene ne kryeqytet, ka kulmuar me aktivitetet e zhvilluara dje ne Qafe-Bote. Mbi 2 mije veta kane nisur dje nje marrshim nga Saranda rreth ores 17:00 ne drejtim te Kllogjerit. Ky marrshim i komunitetit cam eshte i pervitshem, por kete here ka nje domethenie me te madhe, sepse ne Kllogjer do te perurohet nisja e punimeve per Varret Monumentale ne nderim te me shume se 3000 shqiptareve te Camerise qe humben jeten e nuk u lejuan te kishin as nje gur mbi varr. Pjese e marshimit per ne Qafe-Bote ka qene edhe kryetari i PDIU-se, Shpetim Idrizi, deputeti i PDIU-se, Dashamir Tahiri, si dhe kreu i Vetevendosjes ne Kosove, Albin Kurti. Ne fjalen e tij, kryetari i PDIU-se, Shpetim Idrizi, eshte shprehur se do te ndertohen Varret Monumentale per t'u dhene nje varr te gjithe atyre qe u vrane barbarisht. Ai tha se me 27 qershor, 67 vjet me pare, ne dheun e tyre u vrane rreth 3000 vete, kryesisht, gra, pleq, e femije, sipas manualeve me te suksesshem te filmave horror, qe mendjet e mbrapshta ballkanike gjithmone i kane ne honet e kujteses se tyre. Ndersa permendi se rreth 2960 te tjere vdiqen ne kufirin artificial te Camerise me Shqiperine, ne Kllogjer. "E thene keshtu u shfaros gati 20% e popullsise se shperngulur. Mbi camet u ekzekutua nje plan i pergatitur per t'i asgjesuar teresisht si komunitet nga dheu i te pareve te vet; vetem e vetem, sepse ata i perkisnin nje komuniteti etnik, fetar dhe social te ndryshem nga popullsia shumice", - deklaroi Idrizi. Kreu i PDIU-se, Idrizi, theksoi se ka ardhur koha qe Greqia perfundimisht, te kuptoje se asnje e keqe, nuk i vjen sot prej kombit tone, prej bashkejeteses me shqiptaret, kudo ku ata kane jetuar, dhe ku duhet te jetojne, sic ka ndodhur ne histori. Ceshtja e Camerise, krahines se mbetur jashte kufijve te Shqiperise ne vitin 1913, e lene ne harrese gjate dekadave te diktatures, eshte rikthyer ne vemendje gjate viteve te fundit ne saje te perpjekjeve te komunitetit cam, permes shoqatave te tyre dhe te Partise per Drejtesi, Integrim dhe Unitet.