Mehilli: Rama bllokon statusin, mbron miliarderet e PS

Mazhoranca serish i ka bere thirrje opozites qe te mos bllokoje statusin e vendit kandidat, por te votoje heqjen e imunitetit per zyrtaret e larte dhe gjyqtaret. Pas fteses se bere nga kryeministri Berisha dhe kryeparlamentarja Topalli, kreu i qeverise ka ftuar serish dje nepermjet zedheneses se tij, Erla Mehilli, opoziten qe te mos bllokoje per here te trete statusin, por te votoje heqjen e imunitetit. Nepermjet nje deklarate per shtyp zedhenesja e kryeministrit Erla Mehilli eshte shprehur se, "heqja e imunitetit per qeveritaret, deputetet, gjyqtaret dhe zyrtaret e tjere te larte te vendit eshte sot, kerkesa me themelore per Shqiperine, klasen e saj politike dhe cdo shqiptar nga Komisioni Europian dhe 28 vendet anetare, qe te votojne per t'i dhene Shqiperise statusin e vendit kandidat per vend anetar te BE". Duke u ndalur tek takimi qe kreu i opozites pati me trojken e ambasadoreve nje dite me pare, Mehilli tha se ambasadoret deklaruan hapur dhe pa dorashka para mediave se heqja e imunitetit per ministrat, deputetet, gjykatesit dhe zyrtaret e tjere te larte te vendit ka rendesi percaktuese dhe vendimtare per marrjen e statusit te vendit kandidat nga Shqiperia. Sipas deklarates se mazhorances, heqja e imunitetit ka rendesi vendimtare ne luften me zero tolerance ndaj korrupsionit. Mazhoranca ka theksuar nepermjet zedheneses Mehilli se "PS bllokon serish votimin e amendamenteve per heqjen e imunitetit, amendamente qe jane te standardeve me te larta europiane, te hartuara nga ekspertet me te shquar te Keshillit te Europes dhe Komisionit Europian". Sipas PD-se, Rama e ben kete vetem e vetem qe te bllokoje per te treten here marrjen nga Shqiperia te statusit te vendit kandidat dhe te denoje endrren me te bukur te shqiptareve, endrren europiane. Mehilli tha se, "Rama, pra, kerkon pazare dhe bllokime per interesa te ngushta personale politike dhe nuk pyet per interesat jetike te integrimit europian te te rinjve, burrave dhe grave te ketij vendi. Ai nuk degjon zerin e qytetareve, por diktatin e keshillit te miliardereve me imunitet qe e rrethojne. Pavaresisht ketyre qendrimeve te deritanishme te opozites, Kryeministri i ka bere serish thirrje kreut te PS-se, Rama, qe te gjeje kurajen per te degjuar zerin e qytetareve te thjeshte dhe jo diktatin e miliardereve te partise se tij dhe te votoje heqjen e imunitetit.