Ujkani: Palermos dua t'i shperblej besimin e treguar ndaj meje

Portieri i kombetares sone, Samir Ujkani, pas eksperiences pozitive me Novaren, ne Seria A, dhe pavaresisht renies se kesaj skuadre ne Seria B, ka arritur qe edhe kete sezon te mbetet ne eliten e futbollit italian. Ujkani u rikthye pak kohe me pare te Palermo, skuadra qe zoteronte kartonin e tij, ku tani shpreson t'i jepet vendi i titullarit ne porte.

- "Vleresimet e presidentit Zamparini me motivojne, ndaj me mbetet te tregoj ne fushe me te miren, qe t'ia shperbleje kete besim." Ujkani, pas kalimit te Palermo nuk e di nese do te jete zgjedhje e pare, per shkak se konkurrenca ne porte eshte me e larte se te Novara. - "Te Palermo jemi tre portiere, pervec meje edhe Benusi dhe Briketo, te cilet i vleresoj shume. Nuk mund te them se do te jem portieri i pare. Trajneri do te vendose", - thote Ujkani. Portieri kuqezi pranon qe gjate 5 viteve te fundit ne futbollin italian eshte rritur shume profesionalisht. "Gjate karrieres ne Itali jam rritur profesionalisht. Eksperienca me Novaren ka qene me e rendesishme. Viti i kaluar ishte i veshtire, sepse pesova dy demtime te renda", - shtoi portieri kosovar i kuqezinjve. Samir Ujkani debutoi ne prill 2009, ne Seria A, kur ishte 20 vjec, ne takimin, Milan - Palermo, 3-0.