Pritja e Mbretereshes, Berisha takohet me lideret boteror

Mbreteresha e Britanise se Madhe Elisabeth II dhe bashkeshorti i saj, princi Filip, Duka i Edinburgut, kane organizuar nje pritje ne “Buckingham Palace” ne Londer, ku merrni pjese lidere nga e gjithe bota. Mes te ftuarve ishin zonja e pare e Shteteve te Bashkuara te Amerikes, Mishel Obama, sekretari i pergjithshem i kombeve te Bashkuara, Ban Ki-Moon, kryeministri rus, Dimitri Medvedev, por edhe presidenti i Komitetit Olimpik nderkombetar, Zhak Rog. Ne ceremonine e organizuar, per t’u uruar mireseardhjen krereve te shteteve nga e gjithe bota, qe merrnin pjese ne ceremonine e hapjes se Lojerave Olimpike, Londer 2012, i pranishem ishte edhe kryeministri i Shqiperise, Sali Berisha dhe bashkeshortja e tij, zonja Liri Berisha. Mbreteresha Elisabeta II, ne fjalen e saj drejtuar te pranishmeve, pas mireseardhjes qe u uroi atyre, theksoi se esenca e shpirtit te Lojerave Olimpike eshte te qenit dhe te vepruarit se bashku. Madheria e saj theksoi gjithashtu se keto jane Lojerat e treta Olimpike qe zhvillohen ne Londer, qe nga viti 1908 e deri sot dhe ky eshte nje nder i madh per Britanine e Madhe, vend themelues dhe djep i shume sporteve te perhapura sot ne mbare boten. Ne kete pritje, qe zgjati disa ore, kryeministri Berisha pati biseda dhe shkembeu mendime me shume te pranishem. Se pari, kryeministri falenderoi Mbretereshen Elisabeth II per pritjen e perzemert dhe shprehu kenaqesine e madhe qe pati mundesine t’i uroje direkt pervjetorin e diamante, 60 vjetorin e mbreterimit te saj, periudhe ne te cilen Madheria e Saj ka fituar admirimin dhe respektin e mbare njerezve te lire ne bote. Mbreteresha Elisabeth II e falenderoi Kryeministrin Berisha per urimet. Kryeministri zhvilloi gjithashtu nje bisede me trashegimtarin e kurores britanike, Princin e Wellsit Charles. Lartesia e tij u tregua shume i interesuar per zhvillimet ne Shqiperi dhe e siguroi Kryeministrin Berisha se ka deshire te vizitoje Shqiperine. Ne pritje, Kryeministri Berisha u takua dhe bisedoi me Mbretereshen e Spanjes, Sofia. Madheria e saj tregoi interes dashamires per zhvillimet ne Shqiperi. Gjithashtu, Kryeministri takoi Duken e Madh te Luksenburgut, Princin e Monakos dhe Lartesine e saj Mbreterore, Princeshen Mathilde te Belgjikes. Ne kete pritje, kryeministri u takua me Presidentin e Italise Giorgio Napolitano, me te cilin u diskutua perzemersisht mbi viziten e tij te ardhshme ne Shqiperi, si dhe me Presidentin e Portugalise Anibal Cavaco Silva, Presidentin e Cekise Vaclav Klaus si dhe me Presidentin e Azerbajxhanit Ilham Aliyev dhe ate te Kazakistanit Nursultan Nazerbajev.

Gjate kesaj pritjeje, kryeministri Berisha dhe zonja Liri Berisha biseduan perzemersisht me Zonjen e Pare te SHBA Michel Obama, me Kryeministrin e Rusise Dimitri Medvedev, Kryeministrin e Holandes Mark Rutter, Kryeministrin e Belgjikes Elio Di Rupo, ate te Irlandes Enda Kenny, kryeministrin e Danimarkes Thotning _ Schmidt si dhe me kryeministrat e Rumanise, Malit te Zi, te Bullgarise, Kancelarin e Austrise, etj. Ne keto biseda Kryeministri Berisha i njohu ata me zhvillimet ne Shqiperi dhe ecurine e reformave ne vend.

Berisha u takua dhe me homologun britanik Cameron

Gjate vizites se tij ne Londer , kryeministri Berisha pati nje takim te vecante, ne mjediset e Pallatit Mbreteror, ne Londer edhe me kryeministrin e Britanise se Madhe David Cameron. Ne kete takim te perzemert dhe miqesor, Berisha falenderoi perzemersisht kryeministrin britanik Cameron per kohen dhe pritjen e vecante qe i rezervoi ne nje dite kaq te ngarkuar dhe i shprehu mirenjohjen e tij per te gjithe mbeshtetjen e cmuar qe Britania e Madhe i ka dhene dhe i jep Shqiperise ne perpjekjet e saj per te ndertuar demokracine, bazuar ne vlerat e tregut dhe integrimin e vendit ne NATO dhe, tani, ne procesin e integrimit evropian. Berisha e njohu kryeministrin Cameron me reformat e gjithanshme te ndermarra nga qeveria, nga viti 2005 e ne vazhdim. Kryeministri i Mbreterise se Bashkuar David Cameron shprehu kenaqesine qe takohej me kryeministrin Berisha dhe vleresoi arritjet e Shqiperise ne te gjitha fushat ne teresi, rritjen ekonomike te vendit dhe rezultatin e reformave ne kete fushe, si dhe e siguroi Kryeministrin Berisha per mbeshtetjen e tij dhe te qeverise se Mbreterise se Bashkuar per vendin tone.