Eksod largimesh te Skenderbeu, Igli Allmuca kalon te Kukesi
E Enjte, 02 Gusht 2012
Eksod largimesh te lojtareve te Skenderbeut, pas doreheqjes se presidentit, Agim Zeqo. Kampionet e vendit pas eliminimit nga Champions dhe largimit te presidentit Zeqo, kane siguruar nje emer tjeter ne krye te presidences, Ardian Takaj. Por disa nga lojtaret titullare te kesaj skuadre, me te cilet Skenderbeu fitoi titullin kampion jane duke menduar per ekipe te tjera te Superiores. I pari qe u largua nga Skenderbeu ishte Bratic, i cili pritet t'i bashkohet Flamurtarit te Vlores, kurse te tjere titullare jane drejt largimit. Nje dite pas vendimit te Agim Zeqos, qe u largua nga drejtimi i klubit te Skenderbeu, eksodi i largimeve te disa titullareve te kesaj skuadre ka nisur me Igli Allmucen. Gjate dites se djeshme ne menyre surprize mesfushori Igli Allmuca ka firmosur per ekipin e Kukesit. I ngjitur kete sezon ne Kategorine Superiore, Kukesi eshte duke zhvilluar nje merkato intensive dhe ka fituar sherbimet mesfushorit me eksperience, ne prag te debutimit ne Superiore. Allmuca ka luajtur per dy sezone me Skenderbeun, duke fituar dy titujt kampione, por eshte shpallur kampion edhe me dy ekipet e tjera te kryeqytetit, Tiranen dhe Dinamon.
Tirana
Disa nga lojtaret titullare te Skenderbeut duken shume prane ekipit kryeqytetas, Tirana. Ish-lojtare te kesaj skuadre, Gjergj Muzaka dhe Erbim Fagu, kane marre secili nga nje oferte zyrtare dhe sipas bardhebluve jane vetem nje hap larg rikthimit. Dy lojtaret ndodhen aktualisht ne kryeqytet, ku jane futur ne bisedime me drejtuesit e Tiranes, ndonese nuk kane pranuar arritjen e ndonje marreveshje me 24 here kampionet e vendit. Pas mungeses se titullit ne dy edicionet e fundit, Tirana kerkon t'i rikthehet kete sezon suksesit te munguar, duke pretenduar qe te bleje disa nga lojtaret me te mire te Skenderbeut. Mbrojtesi kroat Ivan Gvozdenovic gjithashtu konsiderohet nje futbollist i admiruar, ne radhet e Skenderbeut.
Pejic
Sulmuesi kroat Pero Pejic duket se po "luan" me te gjitha ekipet e interesuara ne merkato, per te perfituar kushtet me te mira te mundshme financiare. Pas divorcit me Flamurtarin, menaxheri i tij eshte futur ne bisedime me drejtuesit e Tiranes dhe te Skenderbeut, por nuk perjashton as mundesine e nje rikthimi te mundshem te Pejic ne Vlore. Pejic ka kaluar disa dite pushimi ne vendlindje pas eliminimit dhe largimit nga Flamurtari, por beson se do te rikthehet ne Kategorine Superiore, me ekipin qe do t'i beje oferten ne te mire.
