Shkollat e larta private, publikohen te licencuarat
E Marte, 07 Gusht 2012
Ministria e Arsimit ka publikuar ne nje pakete te posacme per Maturen Shteterore, te gjithe informacionet e duhura, jo vetem per institucionet e arsimit te larte publik, por edhe per ato jopublike. Keshtu, nje informacion i detajuar jepet per te gjithe ata maturante apo kandidate te cilet duan te studiojne ne shkollat e larta private. Ministria e Arsimit ka informuar se cilat prej tyre jane licencuar deri ne fund te korrik te vitit 2012, te cilat jane 46 ne total, te licencuara nga Agjencia e Akreditimit te Arsimit te Larte. Gjithcka eshte bere ne menyre qe kandidatet te mos bejne nje zgjedhje te gabuar. Gjithashtu, nje tjeter informacion mjaft i rendesishem lidhet me programet e studimit qe jane akredituar deri ne korrik te ketij viti. Ne total, ato jane 264 programe studimi, ose quajtur ne zhargonin e perditshem, dege, te cilat jane te akredituara nga AAAL. Te gjitha keto te dhena gjenden ne faqen zyrtare te internetit te Ministrise se Arsimit dhe Shkences.
