Vlora, nje "mbretereshe"mes Adriatikut e Jonit

Ornela Hila
E Diele, 14 Qershor 2009

Vlore- Atraksion turistik i pamohueshem i nje qyteti qe gjithmone ka ditur te prese vizitore, por qe pak dite me pare ne menyre te qellimshme u cenua kjo bukuri, me derdhjen e 60 toneve solar ne "Pyllin e Sodes", duke ndotur bregdetin. Gjithsesi Vlora ka ditur te sjelle ne vemendjen e te gjitheve, unitetin dhe bukurine mesdhetare me nje bregdet qe laget nga detet Adriatik dhe Jon. Jo vetem promovim tregtar, por edhe turistik.

Bregdeti

Ambienti natyral eshte shume i pasur me zona qe karakterizohen nga toka gelqerore, granite, aluvionale, ka panorama te cilat ndryshojne ne drejtimin vertikal dhe ate horizontal ne pak kilometra. Gjatesia e kufijve te rrethit te Vlores eshte 273 km, nga te cilet 129 km jane kufij tokesore dhe 144 km ujore. Vlora eshte nder rrethet me gjatesine me te madhe te vijes bregdetare, rreth 30 per qind.

Bien ne sy plazhe pa fund, nga ranoret deri tek ata shkembore, qe te japin mundesine e shijimit te reres se Adriatikut dhe madheshtise se shkembinjve te Jonit. Kurse brenda ne qytet mund te hasesh e njohesh nje gastronomi te pasur ne lloje, per te zgjedhur midis shume produkteve artizanale te punuara me finese, ne fund per te zbritur ne brendesine e nje peizazhi kulturor, turistik e arkeologjik. Prej me se dy javesh Vlora po pret vizitore te shumte nga e gjithe Shqiperia dhe vendet e rajonit. Nuk mungojne as turistet e huaj, ndersa jane bere investime ne infrastrukture. Qellimi eshte qe edhe kete vit, Vlora te shpallet "Mbreteresha e turizmit".

Tendenca

Sezoni turistik 2009 ka nisur zyrtarisht ne Vlore, por pushuesit i tremben vetem cmimeve te kripura. Vizitoret jane kryesisht ditore dhe kalojne fundjaven. Prej disa ditesh vihet re nje interesim per pushime edhe me te gjata, duke kerkuar prenotime banesash me qira, dy javore dhe mujore. Operatoret turistik privat jane ata qe drejtojne pjesen me te madhe te zonave me atraktive ne Vlore. Baret, restorantet, picerite, hotelet dhe plazhet private ne te gjithe hapesiren e bregdetit vlonjat kane nisur te presin vizitoret, duke garantuar se me gjithe krizen ekonomike globale, nuk do te rrisin cmimet e sherbimit. Shume drejtues te operatoreve turistik pergjate bregdetit, shprehen se "kete vit pika e forte e suksesit mbeshtetet ne dy drejtime, ofrimin e sherbimit cilesor dhe politika e cmimeve, qe do te ndiqet". Disa menaxher kompleksesh turistike kane theksuar se cmimet nuk do te rriten.

"Synojme Vloren, terheqese per turizmin kulturor"

Qendrueshmeria dhe ndergjegjesimi per ceshtjet mjedisore jane pjesa kryesore e strategjise se zhvillimit te turizmit ne Vlore. Per realizimin e vizionit te mesiperm, duhet te vleresohen keto parime kryesore si; krijimi i nje mikpritjeje cilesore per turistet, zhvillimi i turizmit te diellit dhe te plazhit. Burimet njerezore jane ne shkallen e duhur te pergatitjes se ushtruesve te biznesit te turizmit. Sipas drejtuesve te bashkise, raporti i drejte midis produktit te ofruar dhe cmimit te leverdisshem do te lejoje terheqjen e target-grupeve turistike te synuara. "Bashkia Vlore, do te luaje rol vendimtar ne percaktimin e politikave per planifikimin dhe zhvillimin e turizmit. Objektivi kryesor eshte shnderrimi i qytetit ne nje produkt turistik terheqes e te promovueshem", u shpreh kryebashkiaku Shpetim Gjika, per "KJ". Kjo do te thote se Vlora do te jete nje destinacion mjaft terheqes, jo vetem per plazhin dhe diellin apo per trashegimine kulturore, por edhe per aktivitetet e shumta kulturore-sportive me karakter kombetar apo nderkombetar. "Bashkia Vlore do te organizoje gjate gjithe vitit, por sidomos gjate sezonit turistik veror, aktivitete te ndryshme", shton Gjika. Me kete vizion, bashkia do te paraqese nje qytet sa me terheqes, qe sipas kryebashkiakut, padyshim do te kurorezohet mbreteresha e turizmit ne Shqiperi edhe per vitin 2009.

Dy kulla "Baywatch", roje bregdetare per pushuesit

Pushuesit qe deshirojne te frekuentojne bregdetin e Vlores dhe ne vecanti Plazhin e ri, nuk duhet te frikesohen per rrezikun e mbytjes ne det, pasi kete sezon do te kete roje plazhi, te cilet kane nisur nga puna. Jane dy kulla ne ambientet e Plazhit te ri, ne nje distance te njejte nga njera-tjetra, te cilat do te ofrojne sherbim shpetimi per te gjithe ata qe do te kene probleme me detin apo do te rrezikojne te mbyten. Vlora turistike ka cdo gje qe i duhet nje pushuesi dhe tashme duke nisur qe nga bregdeti i mrekullueshem, resurset e pasura turistike dhe pse jo, rojet bregdetare "Baywatch", te cilat do te jene ne sherbim te pushuesve qe do te vijne ne qytetin e Vlores.

Problemet, mbeturinat dhe kanalizimet

Me gjithe perpjekjet per nje qytet te paster, ka ende disa mangesi te cilat duhen ripare nga bashkia, por edhe nga vete qytetaret. Prezenca e mbeturinave, apo derdhja e disa kanaleve te ujerave te zeza ne det, e ul sigurine e higjienes se plazhit. Pas kesaj Vlora nuk eshte vetem fasade, apo rruga Vlore-Uji Ftohte. Vlora ka shume rruge e lagje, te cilat ende vuajne prezencen e mbeturinave, pusetave te pa zhbllokuara.

Gjithashtu vijojne problemet me infrastrukturen, si pasoje edhe e demtimeve te kryera ne rruge nga investimet e ketij viti, kryesisht te Ujesjellesit. Kreu i bashkise, Shpetim Gjika, thote se mungesa e investimeve nga ana e qeverise dhe mungesa e projekteve nga Ministria e Turizmit per Vloren, jane nje deficit i madh i qytetit bregdetar.