Mungon uji, kardiologjia pezullon operacionet e planifikuara
E Marte, 01 Korrik 2008
Lidhjet e paligjshme, nderhyrjet ne rrjet, por edhe mungesa e infrastruktures se duhur me depozita dhe investime, ka bere qe katet e siperme te Qendres Spitalore Universitare "Nene Tereza" te mos kene uje dhe per kete arsye te mos zhvillohen as operacionet. Kane qene pikerisht operacionet e planifikuara, te cilat nuk jane zhvilluar per te dyten jave ne pavijonin e kardiokirurgjise, ndersa te semuret me zemer jane te detyruar te shpenzojne para per blerjen e ilaceve deri ne nderhyrjen kirurgjikale. Mjeket kardiokirurge pohojne se shume prej pacienteve nuk mund te presin gjate ne shtrat per shkak, se i nxehti sa vjen e po shtohet. Nga ana e saj, Drejtoria e QSUT eshte justifikuar se vapa i ka detyruar mjeket te shtyjne operacionet. Por, mjeket kardiokirurge kane denoncuar vete problemin ne media, duke akuzuar strukturat e larta se nuk po marrin masa per plotesimin e nevojave me jetike ne spital.
Ujesjellesi
Pavaresisht se QSUT furnizohet me nje linje te vecante, specialistet e Ujesjelles- Kanalizimeve te Tiranes kane shkuar mesditen e se henes ne kete qender spitalore, per te pare nga afer problemin e ujit. Per kryetarin e deges teknike ne UKT, Kujtim Allaraj, faji mund te jete i stacionit te pompimit, qe, sipas tij, duhet te rikonstruktohet.
"Sasia e ujit qe eshte duke u perdorur keto dite nga ky institucion eshte ne kuotat maksimale, rreth 3 mije litra, nderkohe qe infrastruktura eshte shume e vjeter dhe nuk mund te perballoje gjithe kete kerkese", eshte shprehur Allaraj. Sipas tij, pikerisht ne mesdite, tre ore pasi ujesjelles-kanalizimet kane leshuar ujin nga depo e Kinostudios, linja e vecante f 200 per QSUT, depot jane pothuajse bosh. Kjo sasi, sipas pergjegjesit teknik te ujesjellesit ne QSUT, Astrit Gjongeci, nuk arrin te mbushe nevojat e gjithe spitalit me te madh ne vend. "Kemi kerkuar qe orari i furnizimit te jete nga ora 6 e gjysme deri ne oren 8 e gjysme te mengjesit. Ky furnizim do te krijonte rezerva ujore ne depot per pavijone te ndryshme dhe nuk do te krijonte probleme", eshte shprehur tekniku Astrit Gjongeci. Sipas tij, gjate periudhes se veres ka edhe nje konsum me te larte te ujit te pijshem nga pacientet, por edhe nga vete personeli. Nga ana tjeter, drejtori i Pergjithshem i QSUT-se, Mati Pepa, permes nje letre, i ka kerkuar urgjent Ministrise se Shendetesise te nderhyje per te zgjidhur problemin me Drejtorine e Ujesjelles-Kanalizimeve te Tiranes. Sipas Pepes, jane marre masat qe personeli mjekesor ne cdo pavijon sherbimi te kujdeset per mos shperdorimin e ujit te pijshem. S. Isaku
