Maqedoni-Kosove, nis shenimi i kufirit
E Marte, 01 Korrik 2008
SHERUPA - Me vendosjen e nje pikete ne kufirin midis Maqedonise, Kosoves dhe Shqiperise, ne vendin e quajtur Sherupa, ne malin Sharr, ne nje lartesi rreth 2100 metra mbi nivelin e detit, nisi dje zyrtarisht caktimi i kufirit mes Maqedonise dhe Kosoves. Shenjat qe do te vendosen ne vijen kufitare prej rreth 150 kilometrash mes Kosoves e Maqedonise, do te jene te pajisura me numra dhe simbolet perkatese. Per shkak te terrenit shume te thyer dhe veshtiresive, qe shtohen ne periudhen e dimrit, vija e kufirit ne shpatin e malit Sharr do te shenohet me nje ritem te pershpejtuar, qe te perfundoje gjate veres.
Ne fillimin e shenimit te kufirit moren pjese delegacione nga te tre vendet, mes te cileve zv.ministri i Puneve te Jashtme te Maqedonise, Zoran Petrov dhe kryetari i Komisionit te Maqedonise per shenimin e kufirit, Todor Nanev, perfaqesuesi i Shqiperise ne Prishtine, Arben Cejku, zv.komisari i Sherbimit Policor te Kosoves (SHPK), gjeneral Sheremet Ahmeti, zv.kryetari i Komisionit kosovar per shenimin e ketij kufiri, Murad Meha, si dhe perfaqesues te bashkesise nderkombetare. Me fillimin e punes se Komisionit te perziere maqedonaso-kosovar per demarkacion te kufirit te shtetit drejt Kosoves, eshte nenshkruar Protokoll per bashkepunimin e te dyja paleve, pjese perberese e te cilit eshte Marreveshja per pershkrim dhe shtrirje te kufirit te shtetit.
Qe nga pavaresia e Maqedonise, me shenjat e posacme te shtetit deri tani eshte shenuar vetem kufiri i saj me Serbine.
MARREVESHJA
Shenimi i kufirit kryhet sipas Marreveshjes per pershkrim dhe shtrirje te kufirit te shtetit te 23 shkurtit te vitit 2001, i nenshkruar me RSJ-ne ne Shkup dhe eshte ne pajtim me planin e Marti Ahtisarit.
