Plazhet, shtohen ekipet e mjekeve dhe ambulancat
E Enjte, 03 Korrik 2008
Per te ulur numrin e pacienteve, kryesisht ne zonat bregdetare, ku ka edhe nje fluks te madh njerezish, Ministria e Shendetesise ka marre masa per shtimin e ekipeve te mjekeve dhe autoambulancave. Sipas te dhenave, gjate ketyre diteve eshte dyfishuar numri i mjekeve dhe infermiereve ne zonat e plazheve, per t’u ardhur ne ndihme personave, te cilet shfaqin probleme te ndryshme me shendetin. Por, pervec mjekeve edhe infermiereve, nje tjeter ekip specialistesh te shendetit publik eshte duke inspektuar te gjitha baret, lokalet dhe restorantet per cilesine e sherbimit dhe produkteve qe ata ofrojne. Pervec ketyre, nje tjeter keshille, qe eshte theksuar nga specialistet, eshte kujdesi qe duhet te behet nga uji i pijshem ne keto zona. “Duke pasur se ne zonat e plazheve ka nje fluks te madh te njerezve, konsum te larte te ujit, por ndonjehere edhe mungese te tij, bakteret e ndryshme, te favorizuara edhe nga temperaturat e larta, gjejne terren per t’u zhvilluar dhe kaluar edhe te njerezit. Ndaj do te keshillonim nje kujdes sa me te madh ndaj tij”, kane pohuar specialistet e ISHP-se. Sipas tyre, deri me tani nga analizat e kryera, nuk ka pasur raste ku uji i pijshem i zonave bregdetare te rezultoje i ndotur apo me baktere, qe te behen shkak i shperthimit te ndonje epidemie.
