Bujtinat do te presin deri ne 2800 studente te viteve te para

“Asnje student nuk do te qendroje jashte”. Eshte ky premtimi qe jep drejtori i Qytetit Studenti, Bujar Brovina, ne kuader te publikimit te kuotave te pranimit ne universitete. Si cdo vit tjeter, ai duket se bashke me stafin e tij, eshte gati te perballoje fluksin e pritshem te studenteve te viteve te para. Brovina sqaron ne nje interviste detajet se si do te veprohet per sistemimin e banoreve me te rinj te qytetit Studenti.

A jeni gati per te perballuar nje fluks te madh te studenteve?

Gjithcka ne fakt varet se sa studente do te kene nevoje per bujtinat tona, pasi ka edhe mjaft studente qe jane nga kryeqyteti, ose zgjedhin te qendrojne ne shtepi me qira. Megjithate, ne po bejme gati cdo ambient te mundshem me kushte te mira jetese, aq sa mund te ofrojme ne, ne menyre qe askush te mos qendroje jashte bujtinave tona.

Si do te procedohet, nese numri i kerkesave per nje krevat ne Qytetin Studenti do te jete i larte?

Me e shumta qe do te bejme eshte qe te leme nga 4 studente per cdo dhome. Megjithate do perpiqemi qe nje gje e tille te mos ndodhe, duke shfrytezuar ambientet e tjera, si per shembull godinat e familjareve.

Sa krevate keni ne dispozicion per “bujtesit”e pritshem?

Sivjet kemi mundur te sigurojme me shume vende, qofte nga ikjet masive te studenteve te viteve te fundit, por edhe nga godinat e tjera duke i bere dhomat sa me funksionale. Mund te them se mund te pranojme nga 2500 deri ne 2800 studente.

Po nese ju teprojne vende, si do te veproni?

Do te “thithim” studente dhe te fakulteteve te tjera, si per shembull te Mjekesise, apo te Inxhinierise se Ndertimit. Nuk duam ne asnje menyre qe dhomat te rrine bosh, ndersa nevojat mund te jene te medha.

Sa do te jete sivjet tarifa e qendrimit ne Qytetin Studenti?

Ne fakt, ende nuk e kemi vendosur se sa do te jete tarifa vjetore qe do te paguajne studentet. Ne do ta diskutojme me bordin e ndermarrjes dhe do te shohim mundesine te mos e rritim. Pra, qe tarifa te jete sa vitin e kaluar, 25 mije leke te rinj si dhe 1 mije leke si figuracion, i cili kthehet ne fund te vitit. Megjithate, nese per shkaqe investimesh apo mirembajtjeje te Qytetit Studenti, do te linde nevoja per ndonje rritje, do te mundohemi qe ajo te jete sa me e ulet dhe te mos i “vrase” studentet.

A jua keni plotesuar atyre kushtet sa per te paguar nje shifer te tille?

Gjithcka ka ndryshuar. Ne Qytetin Studenti nuk ka me mungesa dritash, probleme te theksuar me ujin, apo me kushte te tjera. Cdo kat i bujtinave ka dushe, cdo dhome lavaman te rregullt, ndersa Qyteti Studenti do te jete i furnizuar 24 ore me energji elektrike. Ndersa, sa i perket ujit te pijshem, ai shprehet se pritet qe te kete furnizim tre here ne dite.