Ndalet ndertimi i shtepive
E Enjte, 03 Korrik 2008
MITROVICE - Problem kryesor ne rindertimin e shtepive shqiptare ne veri te qytetit eshte Lagja e Doktoreve ne Mitrovice, ku strukturat nderkombetare te sigurise, dyshohet se kane penguar projektet e rindertimit, duke kerkuar qe ato te nderpriten. Komiteti i Sigurise ne Mitrovice, denoncoi dje faktin dhe kerkoi qe te mos pengohen ndertimet per shqiptaret ne veri te qytetit.
Kryetari i Komunes se Mitrovices, Bajram Rexhepi, ne takimin e ketij Komiteti se problemi kryesor eshte ne Lagjen e Doktoreve, ku strukturat e sigurise kane kerkuar qe te nderpriten projektet e rindertimit. “Komuna ka ndare fonde per rindertimin e 7-8 shtepive ne ate lagje, mirepo problemi ka dale pas zgjedhjeve te Serbise, pasi fituesit e tyre ne bashkepunim me zyrtaret e UNMIK-ut, kane kerkuar nderprerjen e projekteve”, deklaroi ish-kryeministri Bajram Rexhepi. "Nese keto projekte, shtoi ai, duhet te nderpriten per shkaqe sigurie, atehere kjo duhet te vleje per te gjithe dhe jo vetem per shqiptaret. Ka qene nje marreveshje gojore edhe me komandantin e KFOR-it, gjeneralin De Marnhak, qe ky parim te vleje per te gjithe dhe te mos kete dallime”, nenvizoi kryetari i komunes se Mitrovices.
Rexhepi po ashtu permendi dhe vonesen e fillimit te punimeve per ndertimin e shkolles ne Kodren e Minatoreve, per te cilen Ministria e Arsimit ka ndare 85 mije euro. “Jane siguruar trualli dhe fondet, eshte zgjedhur oferta, por puna nuk ka filluar, sepse UNMIK-u nuk ka dhene siguri per ate qe do te kryeje punimet”, tha Rexhepi. Ai shtoi se per kete do t’iu drejtohen me shkrim zyrtareve te UNMIK-ut, per te sqaruar shkaqet pse lihet jashte vemendjes ndertimi i kesaj shkolle, dhe me pas do merret nje vendim per hapat e tjera.
Ne takimin e djeshem te Komitetit te Sigurise u fol edhe per maunet me lende kimike qe jane vendosur ne hapesirat e Parkut Industrial “Trepca”. Lidhur me kete, Rexhepi tha se ka kerkuar vazhdimisht te gjendet nje zgjidhje sa me shpejt per maunat qe kane shqetesuar qytetaret e Mitrovices. “Kemi te dhena se deri tani eshte bere vetem zgjedhja e nje kompanie nga Ministria e Ambientit, e cila do neutralizoje ngarkesen e maunave, ndersa shpenzimet do t'i perballojne ata qe vendosen t'i sjellin keto lende pikerisht ketu”, tha kryetari i komunes se Mitrovices ne takimin e Komitetit te Sigurise.
“Nuk po bashkepunojme me strukturat paralele”
Nuk ka dhe nuk ka per te pasur bashkepunim me strukturat paralele. Kete e deklaroi dje zedhenesi i UNMIK-ut, Aleksander Ivanko, duke iu pergjigjur interesimit te medies ne Prishtine, rreth strukturave paralele serbe ne formuara ne veri te Mitrovices. “UNMIK-u me kohe e ka bere te qarte qendrimin e tij per strukturat paralele dhe nuk ka filluar e as nuk pritet te filloi bashkepunim me ato", deklaroi ai, duke shtuar se ne gjysmen e dyte te tetorit, do te kryhet rikonfigurimi i UNMIK-ut.
“Palestina”
Precedenti i ngjashem dhe tejet i rrezikshem i projekteve per ndertim banesash dhe pengim te tyre, ndonese ne linja te kunderta, ka nisur prej kohesh dhe ne Palestine. Atje, izraelitet po perpiqen te ndertojne banesa, te territoret e pretenduara nga Palestina. Kurse ne rastin e Kosoves, eshte dhe me keq. Ne zonat e populluara kryesisht nga serbet, po pengohen shqiptaret ne mazhorance, te ndertojne shtepite e tyre, apo t’i rindertojne ato.
