Berisha, pjese e samitit te Dubrovnikut per Integrimin
E Shtune, 05 Korrik 2008
Kryeministri Sali Berisha u nis dje ne Kroaci, per te marre pjese ne Samitin me teme "Siguria, zhvillimi dhe prosperiteti", qe do te zhvillohet ne datat 4-5 korrik, ne Dubrovnik, beri te ditur zyra e shtypit e Qeverise. Ne kete Samit, marrin pjese kryetare te qeverive dhe personalitete te larta te vendeve te Evropes Juglindore, SHBA-se, BE-se dhe NATO-s. Samiti do te perqendrohet ne procesin e integrimit euroatlantik dhe intensifikimin e nderveprimit midis vendeve anetare te BE-se dhe NATO-s, me vendet e Evropes Juglindore, ne fushen e sigurise dhe zhvillimit.
Samiti i Kroacise zhvillohet per te tretin vit radhazi, me pjesemarrjen e perfaqesuesve te larte nga vendet e Evropes Juglindore, te Bashkimit Evropian, te Shteteve te Bashkuara te Amerikes dhe NATO-s. Mesohet se Kryeministri Berisha do te referoje ne kete samit, ku do te evidentohen te gjitha arritjet e Shqiperise ne tere keto vite ne funksion te integrimit ne strukturat euroatlantike, si dhe rolin e rendesishem kontribuues te opozites. E cila ka bashkepunuar ne menyre te vazhdueshme per reformat e medha ne vend. Mesohet se Berisha do te zhvilloje takime me homologe te tij te Evropes Juglindore si dhe me kryetare shtetesh, te cilet do te marrin pjese ne samit. Njeheresh, pritet qe ne kete takim te rendesishem te krereve te shteteve dhe qeverive te Evropes Juglindore, te vendosen ura me te forta bashkepunimi ne funksion te zhvillimit te rajonit, ne vigjilje te plotesimit te aspirates se tyre per integrim.
