Pas shume debatesh, shperndahen deftesat e arsimit parauniversitar

Ministria e Arsimit ka filluar qe prej 4 ditesh shperndarjen e deftesave te Arsimit Parauniversitar ne te gjitha Drejtorite Arsimore Rajonale. Sipas zyres per shtyp te ketij dikasteri, ashtu si cdo vit, procesi i shperndarjes eshte kryer ne kohe dhe keto dite te gjithe nxenesit dhe prinderit e tyre, qe synojne transferime ne shkolla te tjera, apo studime jashte vendit, dhe kane nevoje te shpejte per deftesat, do te mund te terheqin keto dokumente ne shkolla, me prioritet. Ndersa nxenesit e tjere mund te terheqin deftesat deri ne fillim te shtatorit. Pas daljes se rezultateve te provimit te dyte te detyruar, ate te Matematikes, edhe maturantet mund te terheqin deftesat e tyre te pjekurise, pas unifikimit qe u eshte bere provimeve te Matures te te gjitha shkollave te mesme. Semestri i dyte i vitit shkollor perfundoi me 13 qershor 2008, nderkohe qe procedurat zyrtare per mbylljen e vitit, ku ben pjese edhe nxjerrja e defteses, kerkojne kohen e duhur, sipas burimeve nga MASH. Pak dite me pare, drejtorite e shkollave bene me dije se ne raste kur nxenesit kane pasur emergjenca, ata kane marre nje liste notash te vulosur, ne menyre qe te mos u "digjeshin" afatet per aplikime ne shkolla jashte vendit. Nje gje e tille u deklarua pas sulmesh te Partise Socialiste, e cila pretendoi nepermjet kryetares se Komisionit te Arsimit, ne Asamblene Kombetare te PS, Ledi Shamku, se MASH shperndante deftesa te fotokopjuara dhe jo origjinale. Por, ketyre akuzave iu pergjigj Ministria e Arsimit duke premtuar korrektesi.