Infeksionet e syve, ngjitese
E Shtune, 05 Korrik 2008
Rritja e temperaturave dhe hapja e sezonit veror, ka bere shume paciente te drejtohen tek okulisti, per shkak te infeksioneve qe shkaktohen nga uji i ndotur i plazheve dhe pishinave. I nxehti ne menyre te vazhdueshme dhe niveli i larte i ndotjes se ambientit bejne qe te dalin ne pah keto lloj infeksionesh, per te gjitha moshat. Infeksione te cilat, nese nuk kurohen qe ne fazat e para te shfaqjes, mund te sjellin nje sere komplikacionesh shendetesore teper te renda ne shendetin e pacientit. Nderkohe qe, shume prej ketyre infeksioneve, jane ngjitese. "Periudha e veres karakterizohet nga temperatura shume te larta dhe fluksi mikrobial paraqet nje deshire te madhe per t'u shumezuar. Keto infeksione jane te pranishme ne ambientet e populluara nga fluksi i madh i njerezve, si plazhet. Pishinat detyrimisht pastaj ambientet e tjera te mbyllura si kopshtet dhe cerdhet. Per sa u perket plazheve, kryesisht njihen infeksionet bakteriale te mbeshtjelleses se palces se syrit", pohon mjekja okuliste Rezarta Shkurti. Sipas saj, keto lloj infeksionesh shfaqen gjate periudhes se nxehte, dhe ne menyre te theksuar te moshat e vogla.
