Ultimatumi: Mos bojkotoni seancat gjyqesore
E Enjte, 04 Shtator 2008
Tirane - Bordi i prokuroreve eshte mbledhur dje ne organin qendror te akuzes per udhezimet e reja mbi detyrat e prokuroreve, pas pushimeve. Ne mbledhje moren pjese drejtuesit e prokurorive ne vend, te cilet diskutuan mbi hetimet dhe proceset gjyqesore. Takimi mesohet te jete kryer nga nje prej Zevendesprokuroreve te Pergjithshem, i cili ka dhene dhe udhezimet perkatese. Burime nga prokuroria kane bere me dije se nje nga pikat e diskutimit kane qene dhe seancat gjyqesore. Pjesemarresit ne kete mbledhje jane keshilluar qe seancat gjyqesore nuk duhet te shtyhen per arsye te mungeses se prokurorit neper seanca. Nga ana tjeter ata jane keshilluar qe prokuroret duhet te jene aktiv ne proceset gjyqesore, ne paraqitjen e provave kunder te pandehurve, ne marrjen ne pyetje te deshmitareve gjate seancave dhe procedurave te tjera. Por jo vetem kaq, prokuroret jane urdheruar qe te merren seriozisht me hetimin dhe personat qe kane nen hetim. Me transferimin oficereve te Policise Gjyqesore, te cilet ishin ne varesi te prokurorise, prane Drejtorive te Policise, prokurorit i mbetet si kompetence qe te urdheroje ne lidhje me procedurat dhe te mbroje dosjen ne gjykate sipas investigimit te kryer nga ana e hetuesve. Sipas burimeve nga institucioni qendror, prokuroret jane keshilluar qe te japin urdhra, te cilat duhet te cojne ne gjetjen e provave kunder te pandehurve dhe duhet te jene te mjaftueshme per dergimin e dosjes ne gjykate dhe me pas per te kerkuar vitet e denimit perkates. Oficeret e Policise Gjyqesore, ose ndryshe te cilesuar "hetues", duhet te kryejne veprimet procedurale ne cdo vendngjarje, te ndertojne skenat e krimit, perpilojne dokumente per ndjekje penale, marrjen ne pyetje te personave, sipas urdhrave te nxjerre nga prokurori dhe deri ne dergimin e dosjeve ne gjykate. Per kete prokuroret jane keshilluar te mos zvarrisin procedurat e hetimit. Nga ana tjeter keta te fundit duhet te jene te pranishem ne vendngjarje, gjate keqyrjes se saj. Mbledhja mesohet se ka zgjatur 2 ore. Sipas burimeve ky ishte takimi i pare pas pushimeve verore ne Prokurorine e Pergjithshme. Burimet kane bere me dije per gazeten se mbledhja e radhes se bordit te prokuroreve pritet te zhvillohet pas 2 muajsh, serish ne organin qendror te akuzes.
R.C
