Vdekja e 2-vjecares, mjeket gabuan

Sarande- Prokuroria e Sarandes zgjeron rrethin e mjekeve nen hetim per vdekjen e femijes 2-vjece ne Pavionin e Pediatrise me 29 gusht te ketij viti. Pas kembenguljes se prinderve te se ndjeres Kloerda Nuredini, Policia Gjyqesore ka marre ne pyetje nje grup prej pese mjekesh ne spital qe jane angazhuar me mjekimin dy ditor te vogelushes. Prinderit pretendojne mjekimin e pakujdesshem dhe per kete veper penale kane nisur hetimet intensive. Dyshimet per shkelje nga bluzat e bardha jane perforcuar edhe pas autopsise qe i eshte bere 2-vjecares pas vdekjes. Ndersa ajo eshte mjekuar per diare dhe dhimbje barku, ekspertet mjeko-ligjore konstatuan edeme te trurit dhe te mushkerive, diagnoze qe nuk eshte kapur ne kohe per kurim nga mjeket e Sarandes. Burime zyrtare te institucionit te akuzes thane dje per gazeten "KJ" se nga hetimi paraprak vihen re procedura te nxituara nga bluzat e bardha, pasi vajza vuante nga tjeter semundje. Vogelushes nuk i jane bere analizat e plota dhe i eshte dhene serum per qetesim barku. Eksperti mjeko-ligjor, Elmaz Shaqiri ka konkluduar ne raportin perfundimtar se ka probleme ne mjekimin qe i eshte bere 2-vjecares. "Eshte e qarte qe ka mangesi gjate mjekimit dhe vihet re nje mungese pergjegjesie", thane burime zyrtare nga grupi hetimor. Gjate autopsise se kryer ka marre pjese edhe nje mjek pediater i spitalit te Sarandes, ndersa prokurori i gatshem ka seleksionuar ne dosje kartelat mjekesore te kurimit dy ditor te vogelushes, ilacet e perdorura dhe rezultatet e analizave te kryera.

A. Q