Ivanko: S'ka levizje per ndonje takim te afert
E Enjte, 04 Shtator 2008
Nuk pritet ndonje takim i shpejt ne mes Prishtines dhe Beogradit, pavaresisht perpjekjeve te UNMIK-ut per te vene dialog midis tyre. Zedhenesi i UNMIK-ut, Aleksander Ivanko, deklaroi dje se do te ndihmonin nisma per dialog, por tani per tani nuk ka levizje nga asnjera pale. Ivanko nuk saktesoi nese ne bisedimet eventuale do te perfshihej edhe ceshtja e personave te pagjetur, duke thene se per kete ceshtje ka punuar nje komision i vecante. Edhe pas rikonfigurimit, UNMIK-u do te vazhdoje te monitoroje disa ceshtje, sic jane disa segmente te policise dhe te drejtesise, si dhe te mbeshtese venien e dialogut midis Prishtines e Beogradit, ashtu sipas udhezimit te kreut te OKB-se Ban Ki Mun. Per sa i perket dialogut, zedhenesi i misionit te Organizates se Kombeve te Bashkuara ne Kosove perseriti se do te caktohet nje agjende per ceshtjet qe do te diskutohen, por theksoi se tani per tani nuk ka levizje pozitive nga asnjera pale. "Nese ka disponim qe Prishtina e Beogradin deshirojne te ulen ne nje tavoline, ne do te ndihmojme me shume deshire. Nese nuk duan ne do te vazhdojme te ndihmojme qe ata te gjejne ndonje zgjidhje, por nuk ka asgje te re tani per tani", eshte shprehur Ivanko. Ai nuk saktesoi nese ne bisedimet eventuale me Beogradin do te perfshihet edhe ceshtja e te zhdukurve. Sipas tij, UNMIK-u do te angazhohet te gjeje pergjigje per familjet, duke thene se si pasoje e lufterave ne ish jugosllavi jane zhdukur rreth 17 mije persona. Ndersa duke folur rreth harmonizimit te kompetencave mes UNMIK-ut dhe EULEX-it, Ivanko mohoi te kete perzierje te kompetencave, per sa i perket policise dhe drejtesise, dhe shtoi se kjo ceshtje do te qartesohet ne fund te periudhes se tranzicionit.
Tranzicioni
Aleksander Ivanko, ka deklaruar se UNMIK eshte ne periudhe tranzitore. "Ende jemi pergjegjes per policine. Kemi nje mandat ekzekutiv lidhur me policine, ndersa EULEX-i ka mandat mbeshtetes keshillimor. Por te gjitha ceshtjet do te kene pergjigje dhe do te qartesohen gjate muajve te ardhshem", deklaroi ai.
