Berisha takon Zannierin, vleresohen zgjedhjet ne Kosove
E Merkure, 18 Nentor 2009
Kryeministri Berisha ka takuar dje perfaqesuesin e OKB-se ne Kosove, Lamberto Zannier, me te cilin ka diskutuar per zhvillimet ne Kosove. Berisha me kete rast vleresoi rolin e rendesishem qe misioni i OKB-se ka luajtur ne Kosove, si dhe shprehu kenaqesine per zhvillimet jashtezakonisht pozitive dhe arritjet e rendesishme te Kosoves ne konsolidimin e institucioneve demokratike, te shtetit te se drejtes, respektimit te te drejtave te njeriut dhe minoriteteve, te cilat pati kenaqesine t'i konstatonte gjate vizites se fundit ne Kosove. Zannier nderkaq, nder te tjera e falenderoi kryeministrin Berisha per kontributin qe qeveria shqiptare ka dhene per Kosoven dhe per rolin e rendesishem qe Shqiperia po luan ne sherbim te konsolidimit te paqes, sigurise, stabilitetit dhe frymes se miqesise dhe bashkepunimit ne rajon. Ne takim, u vleresua organizimi dhe realizimi i zgjedhjeve te mira lokale ne Kosove, ne klime teresisht te qete dhe demokratike, si dhe pjesemarrja cilesore e pjesetareve te minoritetit serb ne shume zona, ku ata banojne. Ne kete kontekst, u theksua rendesia e organizimit te nje Konference te dyte donatoresh per mbledhjen e ndihmave financiare per Kosoven, ne vijim te suksesit qe konferenca e pare e donatoreve pati ne kete drejtim. Ne takim, sic thuhet ne nje komunikate te Kryeministrise, u shpreh shqetesimi per qendrimin jo-konstruktiv te Beogradit dhe per veshtiresite qe ai krijon per rolin qe duhet te luaje Kosova ne bashkepunimin rajonal, si edhe per rolin ndikues qe Beogradi vijon te luaje ne lidhje me disa zona ne veri te Kosoves, ku banojne kryesisht anetare te minoritetit serb. Po ashtu, ne takim u vleresua me tej roli i misioneve te tjera nderkombetare ne Kosove dhe ne vecanti EULEX dhe u theksua rendesia thelbesore e perspektives euroatlantike te Kosoves dhe ecjes perpara sa me shpejt me hapa konkrete ne kete drejtim.
