Topi pergezon Sejdiun: Kosova provoi rendesine si faktor stabiliteti
E Merkure, 18 Nentor 2009
Presidenti i Republikes se Shqiperise, Bamir Topi i ka derguar dje nje mesazh urimi presidentit te Kosoves, Fatmir Sejdiu per organizimin dhe zhvillimin e suksesshem te zgjedhjeve vendore te 15 nentorit ne Kosove. "Populli i Kosoves, te gjitha subjektet politike pjesemarrese dhe strukturat organizuese te zgjedhjeve deshmuan diten e diel dhe me tej, pjekuri dhe pergjegjesi qytetare e politike, treguan ne menyre te pakundershtueshme se jane te afte te ndertojne nje shoqeri te barabarte dhe te lire per shtetasit e saj", thuhet ne mesazhin e Topit. Pjesemarrja e larte dhe gjitheperfshirja etnike ne keto votime, sipas presidentit Topi, jane gur prove se proceset e rendesishme te integrimit, te kohezionit dhe te harmonise nderetnike ne shoqerine e Kosoves kane hedhur hapa konkrete, te rendesishem dhe te pakthyeshem. "Jam i bindur se, nepermjet ketyre zgjedhjeve, Kosova provoi rendesine e saj si faktor stabiliteti e sigurie ne rajon dhe garantoi partneret nderkombetare se eshte e vendosur ne integrimin e saj euroatlantik", vleresoi kreu i larte i shtetit.
