Thyhet tradita e bojkotit
E Merkure, 18 Nentor 2009
Bekim Bislimi
Ne votimet per zgjedhjet vendore, te organizuara nga institucionet e Kosoves, pjesemarrja e serbeve eshte shenuar vetem ne Kosoven qendrore, nderkohe qe ne veriun e saj, serbet nuk kane votuar. Megjithekete, dalja e serbeve te Kosoves qendrore ne votime, nga lideret e serbeve kosovare shikohet dhe vleresohet nga kende te ndryshme. Rada Trajkovic, nga Keshilli Kombetar Serb per Kosoven qendrore, thote se dalja e qytetareve serbe per te votuar, ka qene pertej parashikimeve te saj. "Duhet te jem e sinqerte se pjesemarrja e serbeve ka tejkaluar pritjet e mia. Une vazhdimisht kam qene per pjesemarrje ne zgjedhje dhe kam lobuar mjaft qe serbet te behen pjese e procesit zgjedhor, vecanerisht ne nivelin vendor. Ne kete kuptim, une shpreh kenaqesine". "Me duhet te them se serbet e Kosoves kane nevoje per legalizim dhe legjitimim institucional, si menyre, mundesi dhe mjet qe mos t'i shprehin me kerkesat e tyre ne menyre jofakultative ndaj bashkesise nderkombetare, shqiptareve dhe Beogradit, por mbi principin legjitim, legal dhe te artikuluar institucionalisht", thote Trajkovic. Ne anen tjeter, Millan Ivanovic, po ashtu nga Keshilli Kombetar Serb, por per veriun e Kosoves, thote se serbet e ketij rajoni i kane bojkotuar ne pergjithesi zgjedhjet, nderkohe qe perqindjen e pjesemarrjes se serbeve te Kosoves qendrore ne votime, ai e konsideron te vogel. "Ne Kosoven qendrore dhe ne Shterpce ka dale nje numer i votuesve, por niveli i pjesemarrjes ne votime prej 15 deri ne 20 per qind, ketyre zgjedhjeve nuk u jep legjitimitetin e serbeve".
"Nga numri i pergjithshem i zgjedhesve serbe te Kosoves, gjithsejte kane marre pjese rreth 2. 5 per qind ne keto zgjedhje", thote Ivanovic, duke shprehur mendimin se serbet me kete pjesemarrje te ulet, nuk i kane pranuar institucionet e Kosoves. Pjesemarrja e shenuar e serbeve ne votime, sipas Rada Trajkoviqit, paraqet nderprerje, nga ana e tyre, te tradites se bojkotimit te zgjedhjeve, te organizuara nga institucionet ne Kosove. "Mendoj se ne njeren ane ata e kane nderprere traditen e bojkotimit te zgjedhjeve, por, ne anen tjeter, nuk i kane nderprere dhe nuk do t'i nderpresin kurre lidhjet me Beogradin", shprehet Trajkovic.
Lidhur me kete ceshtje, Ivanoviq thekson: "Mendoj se nuk mund te themi se nuk eshte nderprere tradita e bojkotimit te zgjedhjeve dhe institucioneve te Kosoves. Por, perqindja prej 2.5 e daljes ne votime dhe bojkotimi total i zgjedhjeve ne veriun e Kosoves, ku jetojne me shume se gjysma e serbeve, me se miri tregojne se cfare mendojne ata per keto zgjedhje dhe institucionet e Kosoves". Sidoqofte, te dy keta lidere serbe vleresojne se dalja e nje numri te serbeve ne votime ne Kosoven qendrore dhe bojkotimi i zgjedhjeve nga serbet ne veriun e saj, nuk do te shkaktojne percarje ne mes serbeve te Kosoves.
Zonja Trajkovic thote se te gjithe serbet ne Kosove presin qe veriu i saj do t'i ruaje institucionet, sikurse jane universiteti dhe qendra klinike, qe jane me domethenie thelbesore per mbijetesen e tyre ne Kosove. Nderkaq, Ivanovic thote se serbet e veriut e kuptojne situaten ne te cilen gjenden serbet ne Kosoven qendrore, i kuptojne presionet mbi ta si dhe friken qe kane nga e ardhmja. Nisur nga kjo, sic shprehet ai, nuk pret se do te krijohet ndonje hendek, qe do te kishte per pasoje ndarje apo konfrontim ne mes serbeve qe jetojne ne pjesen qendrore dhe atyre ne pjesen veriore te Kosoves.
