PS: Nxoren "derrkucin" per te trembur protestuesit
E Premte, 20 Nentor 2009
Partia Socialiste ka reaguar dje ndaj deklarates se ministrit te Shendetesise, Petrit Vasili, duke e cilesuar prononcimin e tij si perralle. "Te zene ne hallin e frymes opozitare qe po rritet perdite ne Shqiperi, derri e dosa e qeverise nxoren derrkucin e vogel te kopese qeveritare, qe te trembin protestuesit e neserm me gripin e derrit", reagoi zedhenesja
e selise roze, Armela Imeraj. Duke vijuar me tej, ajo tha se "le te qeshim me kete perralle te re te derrit e doses qe e kane infektuar qeverine e Shqiperise, me virusin kercenues te lirive e te drejtave per te cilat do te protestojme fuqishem neser. Ne jemi me te shumte e me te vendosur se kurre per ta sheruar vendin tone, e per ta cliruar shtetin tone nga ky virus i padurueshem. Dhe s'ka kope ne pushtet qe na zmbraps ne rrugen tone te drejte e te pakthyeshme", theksoi Imeraj. Nga ana tjeter, sot zhvillohet protesta e shumeperfolur e opozites, qe do te nise pasdite ne sheshin "Skenderbej", per te vijuar me pas rreth Kryeministrise, ku do te qendrojne per tre dite. Protestimi per hapjen e kutive do te filloje diten e premte dhe do te pritet te mbaroje te dielen ne darke. Deputetet parlamentare jane porositur qe secili prej tyre, te marre me vete rreth 50 mbeshtetes. Deputetet do te ndahen ne grupe prej 30 personash, qe do te udheheqin protesten ne dy ditet e para. Qe do te thote, sot nje grup prej 30 deputetesh do te udheheqe protesten deri neser, ku protesten do ta udheheqin 30 deputete te tjere, per te perfunduar me pas ne diten e diel, ku do te mblidhen te gjithe. D.Dedej
