Perleshje me arme dhe shkopinj bejsbolli, shkaku nje vajze

Korce- Ngacmimi me fjale i nje gjimnazisteje dyshohet te jete bere shkak per perleshjen e dhunshme me shkopinj bejsbolli dhe te shtena armesh qe kane terrorizuar mesditen e djeshme kalimtaret ne qender te qytetit te Korces. Nje i plagosur, nje i ndaluar dhe tre te shpallur ne kerkim, eshte rezultati i ngjarjes qe u ka kujtuar deshmitareve skenat e nje filmi aksion. Fillimisht ka pasur nje debat te ashper ne lokalet perballe bashkise se qytetit mes pese te rinjve, rreth ores 13.00 dhe me pas ata kane dale ne sheshin kryesor ku kane vijuar shkembimin e fyerjeve dhe ofendimeve te ndersjellta. Sipas policise vendore qe po kryen hetimet, motivet kane qene te dobeta dhe gjate perleshjes jane perdorur grushte, shkelma dhe shkopinj bejsbolli. Per pasoje ka mbetur i plagosur 19 vjecari Ermin L., banues ne Korce, i cili me pas eshte derguar per mjekim ne spital. Policia tha se ndaloi te dyshuarin Kristo Bode, 20 vjec, i dashuri i gjimnazistes ne shkollen "Themistokli Germenji" dhe beri shpalljen ne kerkim te shokeve te tij, Edison Jace, Aldo Meta dhe Daniel Bami. Bode e ka ndjekur 19-vjecarin duke i kerkuar llogari pse kishte ngacmuar te dashuren e tij. Incidenti ka vijuar me tej. Duke ndjere rrezikun, ashtu i pergjakur, 19-vjecari eshte drejtuar per nga makina e tij. Ne kete moment eshte qelluar disa here me pistolete ne drejtim te mjetit, duke zhytur te gjithe kalimtaret ne panik. Hetuesit gjeten disa gezhoja pistolete "TT" dhe dje ne mbremje thane se ndaluan nje prej te dyshuarve. Mjeket thane se 19-vjecari ka marre nje plage te lehte plumbi, kurse xhamat e mjetit jane demtuar teresisht. I demtuari gjendet jashte rrezikut per jeten, kurse autoret ishin larguar me nje tjeter mjet ne periferi te qytetit.



Kerkimet

Policia u vu ne ndjekje te mjetit te autoreve, por nuk mundi ta ndalonte, megjithese u ngriten disa postblloqe. Te dyshuarit e identifikuar jane arratisur dhe vetem nje prej tyre thuhet se eshte prangosur si i dyshuar. I plagosuri ka marre mjekim ne spitalin e Korces dhe ndodhet jashte rrezikut per jeten.