Keshilli Bashkiak, sot miraton parkimet nentokesore

Sonila Isaku

Keshilli Bashkiak gjate mbledhjes se sotme pritet te miratoje projektin me te madh te parkimeve per Tiranen. Sipas ketij projekti jane dy sheshe kryesore, poshte te cilave do te ndertohen parkimet nentokesore dhe jane pikerisht sheshi "Italia" dhe parku "Rinia", te cilet jane percaktuar ne procedurat e meparshme te ketij projekti.

Projekti

Kapaciteti i parkingut te nendheshem do te vleresohet me nevojat e institucioneve perreth sheshit, por edhe te rezidenteve, ndersa ne siperfaqe nuk do te kete me makina sikunder shihen tani. Sipas projektit, parkimet nentokesore jane konceptuar te ndertohen ne menyre, ku nga siperfaqja te mos kuptohet ekzistenca e tyre. Si pasoje sheshi do te ridizenjohet per t'i dhene nje fryme te re, ne raport me ndryshimet qe do t'i behen. Keto sheshe do te ridezinjohen dhe do te rikonceptohen dhe siperfaqja e tyre do te perllogaritet ne menyre qe ndryshimet e viteve te mevonshme, te mos sjellin prishje te struktures. Kohe me pare Keshilli Bashkiak miratoi formen BOT, qe do te thote, ndertim, operim dhe transferim, te dhenies me koncension te dy parkimeve nentokesore, propozim i cili eshte dhene nga bashkia, ende nuk eshte shpallur tenderi. Forma BOT e dhenies me koncesion, parashikon se pasi te ndertohen parkimet nentokesore dhe pas nje afati qe firmat fituese te tenderit do t`i perdorin ato, do t`i rikthehen serish ne pronesi bashkise se Tiranes. Aktualisht dy firma jane interesuar per keto parkingje, para se te shpallej projekti per to. Dhe jane perkatesisht firma "Tawan" sh.p.k e cila ka shprehur interes per projektin e parkimit qe do te ndertohet ne nentoken e parkut "Rinia", dhe "Gener 2" sh.p.k per projektin tek sheshi "Italia", prane stadiumit "Qemal Stafa". Deri tani nga bashkia e Tiranes eshte percaktuar vetem forma e dhenies me koncesion, e cila parashikon se pas nje harku kohor, bashkia rikthehet serish pronare e tokes. Ndersa se sa do jete koha qe firmat fituese te tenderit do t`i shfrytezojne keto parkingje, kjo do te percaktohen ne tender.

Tarifat, Si do te funksionojne

Tarifa per parkingjet nentokesore mendohet, qe minutat e para te jene falas, ndersa per kohen ne vazhdim gjithcka do te varet nga oret e qendrimit te automjetit ne keto ambiente. Nderkohe qe pajtimet mujore do te kene tarifa te tjera dhe normalisht, vendet e veta te percaktuara ne parking. Projektet e ketyre dy parkingjeve jane bere ne perputhje me planin rregullues te qendres, ku synohet dhenia prioritet levizjes se kembesoreve, bicikletave dhe transportit urbane. Mbi token ne keto dy projekte nuk do te ndryshohet. Projekti qe do te zbatohet ne parkun "Rinia", eshte menduar qe do te ndertohet me kater kate. Nderkohe qe kapaciteti i plote i tij eshte 1.500 automjete. Projekti do te zbatohet ne perputhje me planin francez, pasi ky plan e ka parashikuar nje projekt te tille ne kete zone. Dy parkingjet do te jene ne distancen 500 metra nga njeri-tjetri. Brenda parkingut do te jene te vendosura nje numer mjaft i madh makinash, duke plotesuar nevojat e rezidenteve te kesaj zone, institucioneve dhe vizitoreve te qendres. Sheshi "Skenderbej" dhe disa pjese te tjera qe prekin qendren e qytetit, do te kthehen ne zona kembesoresh. Keshtu, dy parkingjet e para nentokesore ne Tirane qe do te heqin rrethimin e makinave nga parku "Rinia", nga sheshi "Nene Tereza" dhe do te clirojne mjaft trafikun po edhe hapesirat e levizjes se kembesoreve ne zemren e kryeqytetit.