Studentet 4 permiresime notash
L.Ndoka
E Hene, 08 Shkurt 2010
Ndryshimi, pas kerkesave te keshillave studentore te fakulteteve ne Universitetin e Tiranes
Studentet e Universitetit te Tiranes, te cilet “luftojne” per te marre nota te mira dhe per te perfituar mesatare te larte gjate arsimit universitar, kane me shume shanse qe ta arrijne nje gje te tille. Ndryshimi i fundit i rregullores se ketij universiteti, u jep atyre mundesine qe te permiresojne me shume nota ne fund te vitit akademik. Kjo eshte nje praktike e re per studentet qe ndjekin studimet e larta prane tete fakulteteve te Universitetit te Tiranes (UT), pasi nuk eshte zbatuar ne vitet e meparshme te studimit.
Permiresimet
Ne fakt, sipas rregullores me te re, eshte e drejta e studenteve qe ne fund te studimeve te ciklit te pare te kene mundesi te bejne jo vetem nje permiresim note, por te permiresojne aq lende sa vite ka zgjatur cikli i pare i studimeve. Duke pasur parasysh kete fakt, i bie qe studentet e Fakultetit te Ekonomise dhe te ata te Fakultetit te Drejtesise do te kene mundesine qe te permiresojne deri ne kater nota. Kjo, per faktin se ende ne keto dy fakultete, pavaresisht futjes se procesit te Bolonjes, studimet e ciklit te pare zgjasin kater vjet. Ndersa, studentet e fakulteteve te tjera te UT-se, ku studimet e ciklit te pare realizohen sipas Bolonjes me cikel 3-vjecar, kane mundesi qe ne fund te studimeve te japin deri ne tre provime per permiresim note. Burime nga Universiteti i Tiranes bene te ditur se, ne fund te nje viti akademik te gjithe studentet do te kene te drejten te permiresojne dy nota qe u korrespondojne lendeve te marra gjate atij viti.
Nisma
Anetaret e Keshillit Studentor shpjegojne se, eshte dashur nje kohe e gjate per hartimin, diskutimin dhe miratimin e projektit perfundimtar ne Senatin Akademik te Universitetit si dhe per te marre aprovimin edhe te Ministrise se Arsimit. Gjithsesi, sipas tyre, ky proces po kurorezohet dhe ka filluar puna per nje proces tjeter norme-krijues po aq te rendesishem sa i pari. Duke qene se ne rregullore sanksionohet shumica e te drejtave te studenteve, perfaqesuesit studentore ne Senatin e Universitetit dhe Keshilli Studentor i Universitetit kane filluar te punojne, bazuar ne modelet universitare perendimore, per te paraqitur kerkesat e tyre. Duke ju hedhur nje veshtrim ketyre kerkesave, ne thelb te percaktuara, studentet e Keshillit Studentor kane arritur ne konkluzionin se, rregullorja e re e Universitetit te Tiranes, do te jete nje akt ne sherbim te interesave te drejte te studenteve.
Rregullorja e re, kur nderpriten studimet
Sipas rregullores se re, te miratuar ne UT, studenti mund t’i nderprese studimet ne cdo kohe te vitit, per nje afat jo me teper se tre vjet. Nderprerja mund te behet vetem ne keto raste: kur semuret per periudha te gjata, te dokumentuara me raport nga komisioni mjeko-ligjor, ku te jene shprehur qarte diagnoza e rekomandimi; kur mbetet kryefamiljar, ne raste fatkeqesish e ne kushte ekonomike te veshtira, te dokumentuar nga zyrat e pushtetit lokal; kur, per arsye ekonomike, detyrohet te punesohet jashte vendit, i justifikuar me dokumentet perkatese. Nderprerja e studimeve per nje vit behet me lejen e Dekanatit. Kurse per afate me te gjata (deri 3 vjet) behet me miratimin e Rektoratit, ne baze te propozimit te Dekanatit. Studenti paraqet kerkesen per leje ne Dekanat si dhe dokumentet e tjera te nevojshme. Nderprerja e studimeve eshte e rregullt kur ai merr miratimin e kerkeses se tij nga organi perkates. Ne te kundert, studenti mban vete pergjegjesi per pasojat e mundshme. Nderprerja e studimeve me miratimin e organit perkates quhet e justifikuar dhe nuk llogaritet ne vitet e perseritura. Cdo nderprerje e pamiratuar e studimeve eshte e barasvlershme me mosparaqitjen ne procesin mesimor dhe viti llogaritet ne perseritje. Rikthimi i studentit, pas nderprerjes se justifikuar te studimeve behet vetem ne fillim te cdo semestri dhe jo me vone se dy jave nga fillimi i tij.
Perjashtimi
Sipas rregullores, studentet qe nuk arrijne te perfundojne studimet brenda ketij afati maksimal, humbasin te drejten e vazhdimit te studimeve. Po ashtu, te drejten e vazhdimit te studimeve e humbasin edhe studentet, te cilet shpallen perserites te te njejtit vit akademik tri here. Afati maksimal i mbrojtjes se diplomes, eshte deri ne 3 vjet nga koha e perfundimit te studimeve te plota. Brenda ketij afati, studenti ka te drejte te provohet per mbrojtje diplome deri ne kater here.
