Ne parim nuk ka asnje gje te keqe dhe te nje pjese e tyre une besoj se e kane te vertete dhembshurine per prerjen e 20 pemeve te Parkut. Po kur ata behen pjese e lojes e se opozites, te jep pershtypjen sikur shfrytezohen prej saj. Ne te gjithe boten demokratike ka prishje parqesh, ka prerje pemesh, ka protesta nga ambientaliste, por po ashtu ka dhe rruge qe ndertohen, ka fabrika qe ndertohen me gjithe keto kundershtime. Po kur keto investime behen per nje interes publik, i perkrahur nga pjesa me e madhe e shoqerise, natyrisht qe ato jane te duhurat

Pame para disa ditesh se si perfaqesues te shoqerise civile, deputete te PS dhe ca te quajtur ambientaliste, pjeserisht pazarxhinj, protestuan te Parku i Liqenit per zgjerimin e "Rruges se Elbasanit". Ne parim nuk ka asnje gje te keqe dhe te nje pjese e tyre une besoj se e kane te vertete dhembshurine per prerjen e 20 pemeve te Parkut. Po kur ata behen pjese e lojes e se opozites, te jep pershtypjen sikur shfrytezohen prej saj. Ne te gjithe boten demokratike ka prishje parqesh, ka prerje pemesh, ka protesta nga ambientaliste, por po ashtu ka dhe rruge qe ndertohen, ka fabrika qe ndertohen me gjithe keto kundershtime. Po kur keto investime behen per nje interes publik, i perkrahur nga pjesa me e madhe e shoqerise, natyrisht qe ato jane te duhurat. Duke u perqendruar te ceshtja konkrete le te analizojme disa fakte. Se pari, zgjerimi i "Rruges se Elbasanit" ka qene prej kohesh nje domosdoshmeri jetike e trafikut te Tiranes, bile eshte diskutuar shume here dhe gjate kohes kur bashkine e ka udhehequr z. Rama. Trafiku i renduar per ne juglindje te vendit, me te vetmen dalje "Rrugen e Elbasanit", e ka bere te domosdoshme ate nderhyrje. Pjesa me e madhe e Tiranes, nga bulevardi kryesor, drejt Dajtit, te vetmen rruge per te dale ne lindje drejt Elbasanit-Librazhdit dhe Korces e Pogradecit, ka vetem ate akses. Natyrisht qe rruga mund te behet dhe ne ajer, por eshte shume me e kushtueshme dhe per projektuesit me llogaritje te sakta, eshte me mire te hyjne pak ne Park, ku eshte e vertete qe priten disa peme, po kursehen shume miliarda euro per shpronesimet e shtepive dhe hoteleve qe jane jashte, nga krahu tjeter i rruges, duke mos harruar ketu problemin social te krijuar, shoqeria civile me plotesisht te drejte shqetesohet, jo vetem per vlerat ambientaliste po dhe kulturore. Po perpara se te shfrytezohet nga opozita, e mira eshte te pyese organet pergjegjese, jo nga foltorja e opozites, po ne zyrat e shtetit, se si eshte menduar ky problem.

Se pari, sipas konfirmimit zyrtar te Drejtorise se Pergjithshme te Rrugeve, asnje kerkese zyrtare nuk ka ardhur, nga asnje institucion per te kerkuar sqarime. Ajo cka ate kerkojne, ne fakt eshte qesharake. Kerkojne projektin e rruges, nderkohe qe projekti ka 2 muaj qe eshte shpallur ne faqen zyrtare dhe mund ta gjejne aty brenda 1 minute. Por gjithsesi, keta individe ose institucione duhet te bejne kerkesat konform ligjit. Te njejten gje pame dhe me unazen nga "Qendra Kristal" deri ne Sauk. Tani qe eshte pjeserisht e kalueshme mund te pyesni qytetaret e "Komunes se Parisit" qe kane qene te izoluar si ne burg, nese ndihen me mire. Natyrisht akoma nuk mund t'i shikojne plotesisht te mirat e rruges.

Se dyti, opozita ngre vazhdimisht problemin e trafikut ne Tirane si problematike, por kur vjen puna per investimet ne zgjidhjen e ketij problemi behet pengese. Duke e menduar politikisht, ata bejne perseri nje gabim ndaj gjithe qytetareve te Tiranes, Saukut, Farkes, Elbasanit, Librazhdit, Pogradecit, Korces dhe Ersekes. Ju garantoj se nese ne keto qytete do te behet nje referendum; a te priten 20 peme qe ju te mos ngeleni ne trafik, garantoj se 99% e tyre do te votojne "pro". Ne fund te fundit qytetaret jane shume pragmatiste, ata duan te shkojne sa me shpejt ne destinacion, te harxhojne me pak karburant dhe me siguri qe do te kete dhe nga ata qe mendojne se do te kete me pak ndotje gazrash nga trafiku i makinave. Kur shpesh degjojme opoziten bllokuese, per nje pjese te madhe te qytetareve nuk do te thote shume, po kur behet fjale per opozite bllokuese te xhepit te tyre te gjithe reagojne. Dikush me abstenim, dikush me vote kunder, ne fund te fundit ketu behet fjale per nje ceshtje qe prek xhepin e tyre.

Se treti, ne jemi nje vend ne zhvillim ku emancipimi i qytetareve per problemet

ambientaliste eshte akoma i ulet dhe kjo nuk behet menjehere. Dalja nga nje sistem komunist i ka detyruar njerezit te merrem me shume me problemet e tyre, dalja nga varferia dhe rregullimi i ekonomise familjare duke mos menduar shume per ambientin. Eshte detyre e institucioneve qe te ndertojne infrastrukture po dhe te mendoje se si do te balancoje demtimet e detyruara te Parku dhe, nese kjo behet, analistet dhe ambienatlistet me pak force duhet ta kuptojne dhe mbeshtesin, po ne asnje menyre te behen pjese e opozites, se perndryshe misioni i tyre fisnik eshte komercial e i tregtueshem dhe perdoret nga opozita per qellimet e saj, por dhe nga njerez te tjere qe iu bashkohen atyre thjesht per interesa personale.

Si perfundim, kjo rruge duhet te behet sa me shpejt, bile te jete ne prioritetet e autoritetit kontraktues, qe qytetaret te udhetojne sa me shpejt dhe se me konfortabel ne ate rruge. Ambientalistet te kerkojne si rregullohet balanca natyrore dhe te behen pjese e sugjerimeve dhe zgjidhjes me te mire per te. Opozita mund te zgjedhe rrugen e vet te bllokimit dhe duke qene se eshte ajo e gabuara, prandaj eshte dhe ne opozite. Banori i Saukut, Elbasanit dhe Korces qe do te kurseje rreth 20 minuta kohe per te hyre ne Tirane dhe shoferi qe do te kurseje 4000 leke te vjetra cdo dite, le ta bejne zgjedhjen e tyre me vote, atehere kur t'iu jepet mundesia. J.K