Big Brother Albania si në edicionet e shkuara dhe tashmë në versionin Vip, është i lidhur me një personazh. Arbana Osmani. Mediat nuk po rreshtin që shkruari nëse do të jetë ajo, apo dikush tjetër nën moderimin e edicionit të tretë. Shumë zëra thonë se do të jetë Ledion Liço, por deri më tani Top Channel nuk ka zyrtarizuar asgjë.
Moderatorja e njohur ka zgjedhur të heshtë, por tani që ka nisur një sipërmarrje të re, s’mund të rrinte pa reaguar edhe për pyetjen e të gjithëve: a do ta prezantojë ajo “Big Brother VIP” këtë vit?
Në një status të fundit të saj, Arbana lajmëron për sipërmarrjen e saj të re, një restorant te Piramida, në Tiranë, ku do të presë çdo ditë miqtë dhe dashamirësit, por gjithashtu, nuk harron të thotë se, krahas biznesit, shumë shpejt, do të rikthehet në ekran.
View this post on Instagram
