Vrasjet e grave dhe abuzimet seksuale me vajzat e mitura, janë lajme të kronikës që raportohen pothuajse çdo ditë.
Sociologu Gëzim Tushi, komenton gjendjen e kriminalitetit në vendin tonë, dhe thotë se nga krimet e shpeshta që ndodhi në famiilje, jemi shndërruar në një spital psikiatrik.
”Gjykoj se tanimë, kur themi se krimi është patologji nuk është më metaforë mjekësore. Ky nivel i kriminalitetit, jo vetëm që ul vlerën e shoqërisë, janë spunto që nxit tek të rinjtë idenë se ky vend nuk bëhet. Se organet e parandalimit, si familja, shkolla, që të humanizojnë këtë bishë njerëzore, djali vret babanë, prindërit vrasin njëri-tjetrin është një gjendje që duket sikur jetojmë në një spital psikiatrik. Nevojat për të ndërhyrë kërkon jo llafe, por strategji kombëtare. Duhet rregullimi i familjes pastaj edhe i organeve të tjera, shkollës, drejtësisë. Është squllur shteti”.
