Një aksident i rëndë me pasojë vdekjen ka ndodhur mëngjesin e ditës së sotme në aksin rrugor Elbasan-Peqin.
Rreth orës 07:30, mjeti tip “Benz”, me drejtues shtetasin H.B., 64 vjeç, banues në Librazhd, i ka prerë rrugën mjetit tip trajler me drejtues shtetasin A.D., 49 vjeç, banues në Korçë.
Si pasojë e aksidentit ka humbur jetën drejtuesi i mjetit tip “Benz”, shtetasi H.B.
Grupi hetimor po punon për zbardhjen e plotë të shkaktut të aksidentit.
