Arrestimet për sulme terroriste, Izraeli kërkoi të luhej në fushë neutrale

Një ndër mediat më prestigjoze në Angli, “Sky Sport” ka konfirmuar se shkaku i zhvendosjes së ndeshjes nga Shkodra në Elbasan janë sulmet e mundshme terroriste, raporton Albeu.

“Ndeshja e Grupit G ishte planifikuar të luhej të shtunën në Shkodër, por për arsye sigurie, FIFA ka vendosur që ajo të jetë më pranë kryeqytetit në Elbasan. Izrealitet do të udhëtojnë në Shqipëri me forcat e tyre të sigurisë.

Izraeli ka kërkuar nga FIFA që sfida të luhej në një fushë neutrale, por kjo kërkesë nuk u pranuar”, shkruan Sky Sports. Shqipëria dhe Izraeli kanë nga 6 pikë pas ndeshjeve të para në Grupin që bën pjesë dhe Spanja me Italinë.