Erzeni del nga shtrati, evakuohen 15 familje

Lumi Erzen ka dalë sërish nga shtrati në zonën e Shijakut. Për pasojë, 15 familje janë evakuuar.

Reshjet e rëna gjatë ditëve të fundit kanë shkaktuar fryrjen e një sërë lumenjve. Kreu i Bashkisë së Shijakut, tha se ndodhen në terren për të marrë masat e nevojshme si dhe për të kryer evakuimin e të prekurve.

Banorët i druhen përsëritjes së përmbytjeve të ndodhura në janar të këtij viti. Në atë kohë, 500 shtëpi u përmbytën përveç tokave bujqësore.