Duke filluar nga sot deri më 28 janar ambasada gjermane ka mbyllur sektorin e vizave. Ambasada njofton se të gjithë aplikuesve që u anulohet takimi, do të njoftohen me E-Mail, ndërkohë që shton se takimet e anuluara do të zëvendësohen në shkurt ose në mars.
“Sektori i vizave do të qëndrojë i mbyllur nga sot 24.01.2022, deri më 28.01.2022. Të gjithë aplikuesit, të cilëve për fat të keq u anulohet takimi, do të njoftohen me E-Mail. Ne shpresojmë që takimet e anuluara të mund t’i zëvendësojmë sa më shpejt në muajt shkurt ose mars”.
Sipas ambasadës dorëzimi i pasaportave të martën pasdite dhe të premten paradite do të zhvillohet si zakonisht, ndërsa të mërkurën nuk do të ketë legalizime. Ambasada kërkon mirëkuptimin e qytetarëve pa dhënë arsyet e mbylljes mbylljes dhe thotë që nuk mund t’iu përgjigjet pyetjeve mbi stadin e aplikimit.
