Gazetari investigativ, Artan Hoxha ka ngritur dyshimet se Aldi Rama që ekzekutoi oficerin Saimir Hoxha, nuk ka dashur të vrasë veten.
I ftuar në studion e “Radari Informatvi”, Hoxha tha se 21-vjeçari ka një plumb në cepin e ballit dhe se këtë plagë mund t’ja ketë shkaktuar vetes aksidentalisht.
”Ka marrë një plumb ne cepin e ballit. Nuk është zonë që qëllojnë veten personat kur bëjnë vetëvrasje. Vetëvrasjet bëhen ose poshtë mjekrës ose anash. Ideja është që të godasësh të vdesësh direkt jo të vuash. Por vendi i të shtënës tek ai, e ka në një pozicion tjetër, pra një rast jo i zakonshëm i vetëvrasjes. Nuk e kanë ditur se ka ngelur në kanal. Mund të ketë qëndruar edhe mbi 30 minuta i plagosur. E kanë gjetur të plagosur pa ndjenja”.