Qeveria “Rama 3” po përgatit një ligj, për bashkëqeverisje me qytetarët. Kryeministri Edi Rama tha në mbledhjen e parë të qeverisë se ky ligj do të informojë dhe do tu përgjigjet qytetarëve, duke u zgjidhur hallet dhe duke ndarë ide.
“Ligji i bashkëqeverisjes parashikon masa dhe sanksione për zyrtarët që nuk u kthejnë përgjigje në kohë qytetarëve. Ligji duhet të zbatuar, nga unë i pari dhe të gjithë, të mos bëhemi qepaze për mos zbatim ligji, ju duhet të jetë shëmbëlltyra e zbatimit të ligjit. Struktura e re që do të funksionojë do të angazhohet që të informojë qytetarët, sapo bashkëqeverisja të kthehet në një ligj në Kuvend”.
Ligji për bashkëqeverisjen me qytetarët parashikon që përmes gjithëpërfshirjes së tyre në politikëbërje, garantimin e pjesëmarrjes së tyre në procedurat administrative vendimmarrëse, rritjen e përgjegjshmërisë dhe të llogaridhënies së administratës shtetërore përmes platformës “Me ty për Shqipërinë që duam”.
