Një nga mbrojtësit më të spikatur të Interit, edhe pse i ri në moshë, Alessandro Bastoni është i vetëdijshëm se sfida ndaj Juventusit nuk është e zakonshme. Talenti i zikaltërve në një intervistë të dhënë para ndeshjes ka vlerësuar rivalët, ndërkohë që u ndal edhe te dueli me Ronaldon.
“Të luash në Inter-Juventus të jep emocione të mëdha. Kam luajtur 3-4 herë, por kam provuar gjithnjë emocione të njëjta. Është një ndeshje e madhe dhe një nder që ta luash. Juventus është me siguri favorite për titullin kampion, për shumë arsye. Fitojnë prej shumë kohësh në Itali, dhe ne dhe skuadrat e tjera do të provojmë që të ndalim këtë dominim.
Si ndalet Ronaldo? Nuk e di. Ka fituar 5 ‘Topa të Artë’, është një punë që duhet ta bëjë e gjithë skuadra. Juventus është një ekip i madh, që nuk ka vetëm CR7. Janë shumë futbollistë të fortë, që të dielën do të mundohemi që t’i ndalim.
Shumë gola të pësuar? Episodet vendosin ndeshjet, dhe kohët e fundit kemi pasur kundër në disfavor. E them këtë, sepse mbrojtja luan më para, jemi më shumë agresivë, dhe lëmë më shumë hapësira. Gjithsesi duam që të pësojmë sa më pak të jetë e mundur”, deklaroi Bastoni. /R.Lika-Koha Jone/
Discussion about this post