Home Aktualitet Borxhet nga S...

Borxhet nga Strasburgu, “pallati i Bashës” merr 2.7 mln euro shtesë. Avokati i Shtetit: Viti 2024 mund të sjellë të tjera kosto

1454
0

Avokatura e Shtetit prezantoi raportin në Komisionin e Ligjeve, duke njoftuar deputetët se tashmë Shqipëria konsiderohet nga Këshilli i Evropës si ndër vendet që zbaton më së miri vendimet e Gjykatës Evropian për të Drejtat e Njeriut.

Të dhënat zyrtare të Ministrisë së Financave tregojnë se gjatë vitit 2024, shteti shqiptar trashëgoi një borxh prej 21.7 milionë eurosh nga gjyqet e humbura në Strasburg, ku vendimi që konsiderohet si më i rëndi për financat publike, është gjyqi i familjarëve të Lulzim Bashës dhe banorëve të tjerë të pallatit të shembur në Vlorë në vitin 2013, pak muaj pasi socialistët erdhën në pushtet.

Sipas medias ”A2cnn”, ajo çfarë bie në sy është se shifra totale e detyrimeve ende të pashlyera, është rritur me 20% për shkak të kamatëvonesës për moszbatimin e vendimit.

“Për sa i përket masave individuale, qeveria shqiptare ka dhënë informacion mbi masat e marra nga Ministria e Financave për ekzekutimin e vendimit, duke shpjeguar vështirësitë objektive të autoriteteve shqiptare për të siguruar pagesën e plotë të shpërblimit të drejtë për shkak të implikimeve të rënda për buxhetin e shtetit pasi shuma është tepër e lartë, 13,447,300 euro + 2.7 milionë euro kamat vonesë”.

Viti 2024 mund të sjellë të tjera kosto për arkën e shtetit shqiptar, pasi Avokati i shtetit njoftoi Kuvendin se Gjykata e Strasburgut ka vendosur të kalojë për shqyrtim të gjitha çështjet e mbartura ndër vite.

LAJMET KRYESORE

Të përzgjedhura

Më shumë nga Kryesore

Me shume nga Kryesore

Lajmet e Fundit

Te Fundit