Kryetari i PD-së, Lulzim Basha dhe bashkëshortja e tij, Aurela kanë marrë pjesë sot në ekspozitën kundër dhunës, të hapur në galerinë FAB nga profesorja Tulanta Jaupaj dhe studentë të Akademisë së Arteve.
Bashkëshortja e kreut të opozitës, Aurela Basha ka publikuar foto nga ekspozita duke përcjellë dhe mesazhin e denoncimit të dhunës. “Me Lulzim Bashën dhe zysh Taulanda Jupi në ekspozitën THYER”, shkruan zonja Basha në një postim në Instagram,
Ekspozita e titulluar “Thyer” përcjellë mesazhin e denoncimit të dhunës kundër grave. Ekspozita vjen e realizuar nga prof. asc. Taulanda Jupi dhe studentët e Universitetit të Arteve Egli Tako, Elios Shuli, Sindi Mila, Erina Lazi, Xhoana Karaj, Orestia Stefani. Kurator Petraq Papa dhe fotot me mbështetjen e Ergys Zhabjakut.
“Jeta e tyre u thye, shpirti i tyre u thye, ëndrrat e tyre u thyen. Ato ishin nëna, motra, gra dhe vajza të cilat padrejtësisht nuk jetojnë më, të cilat padrejtësisht u dhunuan, u masakruan dhe u vranë. Për të thyer heshtjen, për t’u treguar atyre nënave e motrave, grave dhe vajzave të cilat jetojnë sot nën tmerrin e dhunës, se nuk janë vetëm dhe frika e tyre duhet thyer”, janë fjalët e shkruara në posterin për këtë ekspozitë të veçantë të hapur në galerinë FAB.
Discussion about this post