Një sherr me thika ka ndodhur paraditen e sotme në zonën e Astirit në Tiranë. Mësohet se disa persona ende të paidentifikuar kanë goditur me një mjet prerës shtetasin F. D., rreth 37 vjeç, i cili ndodhet në spital. Policia dhe grupi hetimor kanë shkuar në vendin e ngjarjes dhe po punojnë për sqarimin e rrethanave dhe identifikimin dhe kapjen e autorëve.
Njoftimi i policisë:
Me datë 07.06.2021, në Astir, dyshohet se pas një konflikti për motive të dobëta persona ende të paidentifikuar kanë goditur me një mjet prerës shtetasin F. D., rreth 37 vjeç, i cili ndodhet në spital, nën kujdesin e mjekëve, jashtë rrezikut për jetën. Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes si dhe identifikimin dhe kapjen e autorëve.
