Fenomeni i ”Big Brother Albania Vip 3”, është ajo, Egla Ceno. Për herë të parë në një edicion VIP, një grua fiton çmimin e madh të “Big Brother”.
Egla ka kaluar një udhëtim të gjatë e sfidues në këto muaj, ku është përballur me ndodhi të ndryshme, duke përmendur edhe izolimin në ‘Dhomën e Bardhë’. Egla fitoi çmimin e madh, në një televotim kokë më kokë me Julin.
Në një natë magjike, plot surpriza dhe emocione dhe një garë të fortë mes pesë finalistëve, Egla Ceno rrëmbeu çmimin e madh prej 100 mijë eurosh! Aktorja ia doli në garën përballë Julian Dedës, Romeo Veshajt, Heidi Bacit dhe Meriton Mjekiqit.
Në një finale maratonë, me një transmetim live mbi 6 orë, të pestë banorët rikujtuan eksperiencën e tyre në reality show, ndërkohë që u surprizuan nga “Vëllai i Madh”, duke dhuruar emocione të forta për publikun.
Edicioni i tretë i “Big Brother VIP Albania” ka kaluar çdo parashikim audience, për shkak të garës shumë të fortë mes 5 finalistëve.
Pas fitimit të Çmimit të Madh prej 100 mijë eurosh, ajo tha: “Falenderoj që jeni bërë zëri, nga një format kaq i rëndësishëm, që jeni bërë zëri i këtyre mesazheve. Dhe më fal Ledion, të tregoj pak kurrizin”, ku në bluzën e Eglës shkruhej: E vogël, e brishtë, e pafajshme…
