Mbrëmjen e së enjtes u shënua historia në Kosovë, pasi u ngrit sipari i Festivalit të Këngës në Radio Televizionin e Kosovës.
18 këngëtarë janë përzgjedhur që të marrin pjesë në netët finale. Këngëtarja dhe autorja e dhjetëra hiteve të muzikës shqipe,
Dafina Zeqiri ishte e ftuar speciale dhe emocionoi me interpretimin LIVE. Ajo u paraqit me këngën e saj të publikuar para dhjetë vjetësh, “Veç ti”. Kënga erdhi me një ripërpunim orkestral, e cila ka tingëlluar tejet moderne.
