Kryeministri Edi Rama ndodhet në Izrael dhe këtë e ka treguar me një foto në facebook. Rama do të zhvillojë takime edhe me ekspertë në fushën e sigurisë kibernetike.
Kreu i qeverisë do të shoqërohet nga disa ministra shqiptarë dhe pritet të takohet me presidentin izraelit Isaac Herzog, kryeministrin Yair Lapid, liderin e opozitës Benjamin Netanyahu dhe politikanin Mickey Levy.
Në qendër të diskutimeve do të jetë sulmi kibernetik i hakerave të sponsorizuar nga shteti iranian që goditi serverat e shtetit shqiptar duke shkaktuar bllokim të shërbimeve dhe rrjedhje të dhënash.
