Emocione të mëdha në “Allianz Arena”, atje ku Gjermania me shumë vuajtje ka arritur që të sigurojë një biletë për në fazën e 1/8-ve të Europianit. Pancerat nuk shkuan më shumë se një barazim 2-2 kundër Hungarisë. Skuadra e Marco Rossit i ka befasuar të gjithë duke kaluar në avantazh që në minutën e 11-të me Szalai me një goditje të bukur me kokë. Gjermania u hodh në sulm në kërkim të golit të barazimit por portieri Gulasci ishte fantastik me një pritje në minutën e 21-të. Në fillimin e pjesës së dytë, Sallai ju afrua shumë golit të dytë me një goditje dënimi, teksa topi shkoi ngjitur me shtyllën.
Goli nuk do të vononte, teksa në minutën e 66-të, pas një prekje të Hummels në zonë, do të oshte Havertz që do ta shtynte topin në rrjetë. Pa kaluar mirë festa e gjermanëve, Hungaria do t’i befasonte sërish duke shënuar në mënyrë të befasishme me Andras Schafer. Ky rezultat nuk demoralizoi Gjermaninë, që me këmbënguljen e madhe arriti që të rigjente sërish golin e barazimit. Leon Goretzka me një goditje në hyrje të zonës e dërgoi topun në fundin e rrjetës. Gjermania në këtë mënyrë e mbyll në vendin e dytë, teksa në fazën tjetër do të përballet me Anglinë.
Në ndeshjen tjetër të mbrëmjes Portugalia dhe Franca barazuan 2-2 mes tyre, teksa të dyja siguruan një biletë për në fazën tjetër. Cristiano Ronaldo kaloi fillimisht Portugalinë në avantazh në minutën e 31-të, ndërkohë që reagimi i Francës do të vinte në shtesën e pjesës së parë me Karim Benzema, që më në fund rigjeti golin me kombëtaren. Sulmuesi i Realit do të kalonte në avantazh “gjelat” në minutën e 47-të. Portugalia ndërkohë arriti të fitonte një tjetër penallti në minutën e 60-të, teksa do të rikthehu në gol nga Cristiano Ronaldo. CR7 gjeti golin e 109 me kombëtaret, duke vendosur një rekord.
