Juristja Brizida Gjikondi, flet për protestën që do të mbahet më 3 Mars nga Sali Berisha, ditë kur pritet që gjykata të vendosë për vulën e PD-së.
Ajo tha se është e papranueshme që një lider politik të ushtrojë presion kaq hapur ndaj gjyqësorit. Sipas saj, Gjykata e Apelit mund ta rikthejë sërish çështjen për rigjykim.
“Gjyqi është në 3 mars dhe është skandaloze që ne si shqiptarë, të pranojmë që një lider politik, si dhe deputet, të shkojë në mënyrë të hapur dhe t’i bëjë presion gjyqësorit.
Për mua, thjesht ajo protestë dhe ajo që bën ai, tregon se do ta marrë me çdo formë vulën e PD”, tha ajo duke shtuar se Berisha nuk ka mbështetje nga populli.
