Një avion mallrash ka dalë nga pista në Aeroportin e Rinasit. Kjo ka shkaktuar panik tek personat në bord. Mësohet se nuk ka të lënduar.
Avioni i linjës ajrore “Swift Air” ka pësuar defekt tek rrotat dhe ka dalë nga pista teksa ulej në Rinas. Mësohet se incidenti ka ndodhur pasditen e sotme, për shkaqe që ende nuk dihen.
Avioni që po sillte mallra nga jashtë vendit, ndodhet ende jashtë pistës. Si pasojë e këtij incidenti, fluturimet në Rinas janë ndërprerë përkohësisht.
