Kapen me 10 kg drogë në makinë, arrestohen dy persona në Korçë
Aktualitet E Enjte, 25 Prill 2024 10:07
Dy shtetas janë vënë në pranga këtë të enjte nga Policia në Korçë, pasi janë kapur me lëndë narkotike.
Mësohet se dy shtetasit janë ndaluar nga Policia në aksin rrugor Korçë-Voskopojë, dhe gjatë kontrollit në mjet u është gjetur një sasi prej 10 kg lëndë ndakotike e dyshuar kanabis sativa.
Droga është sekuestruar nga Policia, ndërsa shoferi i mjetit dhe një tjetër person që udhëtonte me të janë shoqëruar për veprime të mëtejshme proceduriale.
