”Koha për sanksione”, Berisha: Largimi automatik i kryetarit që humbet zgjedhjet

Ish-kryeministri Sali Berisha e pranoi në Shkodër se nëse PD-ja do të fitonte zgjedhjet, ai nuk do ta merrte mandatin e deputetit, por shpallja ”non-grata” dhe përjashtimi nga grupi, bënë që ai të rikthehet.

Po ashtu, Berisha tha se është koha për të vënë sanksione, dhe kjo lidhet me largimin automatik të kryetarit nëse humbet në zgjedhje.

”Largimin automatik të kryetarit që humbet zgjedhjet e përgjithshme. Mbajtja e tij me preteksin se s’kemi më të mirë se ky e mbylle derën. Ky është rregulli i artë. Do të detyrojmë kryetarin që nëse humbet zgjedhjet lokal t’i nënshtrohet votëbesimit”.